امریکا نے حزب اللہ سے منسلک نیٹ ورک پرنئی پابندیاں عائد کردیں

حزب اللہ سے منسلک نیٹ ورک پر امریکا نے نئی پابندیاں عائد کر دیں ہیں-

باغی ٹی وی : "العربیہ ” کے مطابق جُمعہ کو امریکی وزارت خزانہ نے ایک بیان میں بتایا کہ حکومت کے فارن اثاثہ جات کنٹرول سیکشن نے حزب اللہ سے منسلک مالی سہولت کار عدنان عیاد کے ساتھ ساتھ اس سے وابستہ بروکرز اور کمپنیوں کے بین الاقوامی نیٹ ورک کے ممبران اور اس کے تجارتی پارٹنر عادل دیاب کو بلیک لسٹ کر دیا ہے۔

روس کی ایران اور چین سے فوجی مشقیں:بیلا روس کےساتھ بھی ہنگامی فوجی مشقیں شروع کرنے…

امریکی وزارت خزانہ نے کہا کہ آج جن لوگوں کی نشاندہی کی گئی ہے ان کی جانب سے پابندیوں سے بچنے کی کوششیں یہ ظاہر کرتی ہیں کہ کس طرح حزب اللہ بین الاقوامی مالیاتی نظام تک رسائی حاصل کرنے اور اپنی دہشت گردانہ کارروائیوں اوردیگرغیر قانونی سرگرمیوں کی حمایت کے لیے فنڈز اکٹھا کرنے میں کامیاب رہی ہے حزب اللہ ملیشیا کی سرگرمیاں لبنانی عوام کے استحکام، سلامتی اور خودمختاری کو نقصان پہنچانے کا باعث بنتی ہیں۔

امریکی صدرکے افغانستان میں ناکامی اور انخلا بیان پر طالبان کا ردعمل

امریکی وزارت خزانہ کے انڈرسیکرٹری برائے دہشت گردی اورمالیاتی انٹیلی جنس برائن نیلسن نے کہا کہ پابندیوں کی فہرست میں حزب اللہ سے منسلک بروکرز اور کمپنیوں کے بین الاقوامی نیٹ ورک کے اراکین کو نامزد کرنا "حزب اللہ کے بین الاقوامی مالیاتی نظام کے غلط استعمال کو بے نقاب کرنا اوراس کو ہدف بنا کراس کے لیے پیسہ اکٹھا کرن پر پابندی عائد کرنا ہے-

طالبان سے فائرنگ کے تبادلے میں قومی اپوزیشن گروپ کے 8 مزاحمتی جنگجو ہلاک

انہوں نے کہا کہ حزب اللہ کی عدم استحکام کی سرگرمیوں کی وجہ سےلبنانی عوام ایک غیر مسبوق معاشی بحران کا شکار ہیں وزارت خزانہ حزب اللہ کی غیر قانونی سرگرمیوں کو روکنے اور اس کے کاروباری نیٹ ورکس کے ذریعے پابندیوں سے بچنے کی کوششوں کو روکنے کے لیے پرعزم ہے۔

قبل ازیں منگل کے روز امریکا نے لبنانی حزب اللہ سے منسلک 3 تاجروں پر یہ کہتے ہوئے پابندیاں عائد کی تھیں کہ ایرانی حمایت یافتہ ملیشیا کے مالی لین دین میں سہولت فراہم کرنے میں ان کی سرگرمیاں لبنان کے اقتصادی وسائل کا ایک ایسے وقت میں استحصال کرتی ہیں جب ملک بحران کا شکار ہے عادل دیاب، علی محمد الداون، جہاد سالم العلم اور ان کی کمپنی دارالسلام ٹریول اینڈ ٹورازم پابندیوں کی فہرست میں شامل ہیں-

روس نے یوکرین پرحملہ کیا توبھاری قیمت چکانا پڑے گی، امریکی صدر