نیامی: امریکا نے مغربی افریقہ میں واقع اسلامی ملک نائجر سے اپنی فوجیں واپس بلانے کا فیصلہ کیا ہے –
باغی ٹی وی : غیر ملکی میڈیا کے مطابق امریکی نائب وزیر خارجہ کرٹ کیمبل اور نائجر کی قیادت کے درمیان ایک معاہدہ طے پایا ہے اور آنے والے دنوں میں اس بارے میں بات چیت ہو گی کہ فوجیوں کی کمی کیسی نظر آئے گی۔
اس سے قبل نیویارک ٹائمز نے گزشتہ دنوں خبر دی تھی کہ آنے والے مہینوں میں ایک ہزار سے زائد امریکی فوجی نائجر چھوڑ دیں گے، نائجر امریکا کا اہم اتحادی رہا ہے جہاں گزشتہ سال تک ایک ہزار سے زائد امریکی فوجی موجود تھے جہاں سے امریکی فوج نے دو اڈوں سے کام کیا تاہم گزشتہ سال فوجی بغاوت کے بعد ملک کے نئے حکمرانوں نے واشنگٹن اور پیرس کے ساتھ فوجی معاہدے ختم کر دیے تھے اور روس کے ساتھ قریبی تعلقات کو استوار کیا۔
سعودیہ میں خواتین کو چھیڑنے پر نئی سزا پر علمدرآمد شروع
گزشتہ ماہ نائجر کے حکمراں جنتا نے کہا کہ اس نے فوجی معاہدے کو فوری طور پر منسوخ کر دیا، جس معاہدے کے تحت نائجر کی سرزمین پر امریکی محکمہ دفاع کے فوجی اہلکاروں اور سویلین عملے کو اجازت دی تھی، گزشتہ ہفتے نائجر کے دارالحکومت میں سینکڑوں افراد نے سڑکوں پر امریکی فوجیوں کے انخلا کا مطالبہ کیا تھا۔
