روس کیخلاف فراہم کئے گئے امریکی ٹینک یوکرینی فوج کیلئے ہی خطرناک ثابت ہونے لگے

کیف: روسی جارحیت کے خلاف امریکا کی جانب سے یوکرینی فوج کو فراہم کیے گئے ’ابرام ٹینک‘ ان کے لیے ہی خطرناک اور ناکارہ ثابت ہونے لگے۔

باغی ٹی وی : غیر ملکی میڈیا رپورٹس کے مطابق ابرام ٹینک بالخصوص M1A1 ماڈل کی تعیناتی کا مقصد یوکرینی شہر کیف کے رہائشیوں کی حفاظت کرنے اور انہیں روسی افواج کے خلاف استعمال میں لانا تھا، مگر ان ٹینکس نے شکوک و شبہات پیدا کردئیے جنوری 2023 میں یوکرینی حکام کی جانب سے جدید ٹینکوں کی ضرورت کو اُجاگر کرنے اور مسلسل مہم کے بعد امریکا نے یوکرین کو 31 جنگی ٹینک بھیجنے پر اتفاق کیا تھاتاہم، ان ٹینکوں کو میدان جنگ میں خاص طور پر روسی ڈرونز سے ٹکراؤ میں مشکلات کا سامنا کرنا پڑا، ابرامز کے کم از کم پانچ ٹینک پہلے ہی روسی حملوں میں ضائع ہو چکے ہیں۔

کار حملے سمیت حماس کے ساتھ جھڑپ میں 3 صہیونی فوجی ہلاک

امریکی خبررساں ادارے سی این این کو انٹرویو کے دوران جرمنی میں تربیت حاصل کرنے والے یوکرینی فوج کے عملے نے ابرامز ٹینکوں کی ناقص کارکردگی سے متعلق اپنے خدشات کا اظہار کیا، ان کا کہنا تھا کہ ٹینکوں کی بکتر جدید ہتھیاروں کے لیے اتنی مضبوط نہیں ہے، ایک اور یوکرینی فوجی نے کمزور امریکی ٹینکس کی نشاندہی کرتے ہوئے انکشاف کیا کہ جنگ کے میدان میں ’ابرامز ٹینک‘ دشمن کا سب سے پہلا ٹارگٹ ہوتے ہیں،دفاع کے بغیر فوجی جوان میدانِ جنگ میں زندہ نہیں رہ سکتا۔

غزہ میں اسرائیلی حملے،برازیل نے احتجاجاً اسرائیل سے اپنا سفیر واپس بلالیا