امیر بالاج ٹیپوقتل کیس،سہولت کار ملزم کو جیل بھجوا دیا گیا
امیر بالاج قتل کیس،کی مقامی عدالت میں سماعت ہوئی
پولیس نے ملزم ہارون عباس کا مزید جسمانی ریمانڈ مانگ لیا ،عدالت نے ملزم ہارون عباس کے جسمانی ریمانڈ کی استدعا کو مسترد کردیا ،عدالت نے ملزم کو چودہ روزہ جوڈیشل ریمانڈ پر جیل بھیج دیا،پولیس نے ملزم ہارون عباس کا چار روزہ جسمانی ریمانڈ مکمل ہونے کے بعد عدالت پیش کیا ،ملزم پر سہولت کاری کا الزام ہے
امیر بالاج قتل کیس، نامزد ملزم طیفی بٹ دبئی سے لندن پہنچ گیا،انکشاف
دوسری جانب امیر بالاج قتل کیس کی تحقیقات کے حوالہ سے نئی پیشرفت سامنے آئی ہے،قتل کیس میں نامزد ملزمان طیفی بٹ اور گوگی بٹ کے ریڈ وارنٹ کے حصول کا پراسس مکمل کر لیا گیا ہے، میڈیا رپورٹس کے مطابق طیفی بٹ کی گرفتاری کے لیے دبئی جانے والی ٹیم کو فی الوقت روک دیا گیا ہے کیونکہ حکام کو پتہ چلا ہے کہ طیفی بٹ دبئی نہیں بلکہ لندن میں موجود ہے، اسلئے دبئی جانے والی ٹیم کا دبئی جانا مؤخر کر دیا گیا ہے، طیفی بٹ کے لندن میں ایک پاکستانی ٹرانسپورٹر کے پاس موجود ہونے کا انکشاف ہوا ہے،طیفی بٹ کےلندن میں ہونے کی اطلاع ملنے پر پولیس کی جانب سے اب لندن سے اسے واپسی کی منصوبہ بندی شروع کر دی گئی ہے
علاوہ ازیں امیربالاج ٹیپو قتل کیس میں اہم انکشافات سامنے آئے ہیں قتل کے مقدمہ میں نامزد ملزم طیفی بٹ امیربالاج کےقتل کے بعد اسکے بھائی کو بھی قتل کروانے کے لئے احسن شاہ کےساتھ رابطے میں رہا ہے،بالاج کے قتل سے دو دن پہلے احسن شاہ کی طیفی بٹ کے گھر نصیر آباد میں ملاقات ہوئی، امیر بالاج اور معصب کے دادا سلطان محمود عرف بچھو پہلوان نے تصدیق کر دی،میڈیا پر چلنے والی خبروں کےذرائع کےمطابق طیفی بٹ کیطرف سے بھیجے گئے شوٹرز نے بالاج اور معصب دونوں بھائیوں کو قتل کرنا تھا، امیر بالاج کے قتل اور تدفین کے دوسرے روز احسن شاہ نے بہانے سے مقدمہ کے مدعی اور بالاج کے بھائی معصب کو اپنے گھر اکیلے آنے کا کہا ، معصب کے دادا سلطان محمود عرف بچھو پہلوان نے جانے سے منع کر دیا۔ احسن شاہ، ملک سہیل اور اصغر پٹھان کے پکڑے جانے پر سب انکشافات سامنے آئے ہیں ڈی آئی جی آرگنائزڈکرائم عمران کشور تصدیق کر چکے ہیں کہ طیفی بٹ دونوں بھائیوں کو قتل کروانا چاہتا تھا ۔
امیر بالاج ٹیپو کو 18 فروری کو شادی کی تقریب میں قتل کیا گیا تھا،چوہنگ پولیس کے مطابق ٹیپو ٹرکاں والا کے بیٹے امیر بالاج ٹیپو کے قتل کا مقدمہ اس کے بھائی امیر مصعب کی مدعیت میں درج کیا گیا تھا، قتل کےمقدمے میں 302 سمیت دیگر دفعات شامل کی گئی تھیں، مقدمہ خواجہ تعریف گلشن، اس کےکزن خواجہ عقیل اور 4 نامعلوم افراد کے خلاف درج کیا گیا،پولیس کے مطابق امیر بالاج پر فائرنگ کےدوران گولی لگنے سے مرنے والے مبینہ حملہ آور کی شناخت مظفر کے نام سے ہوئی جو شیخوپورہ کا رہائشی تھا اور امیر بالاج پر فائرنگ کے دوران ہی مارا گیا تھا
واضح رہے کہ امیر بالاج کا باپ ٹیپو ٹرکاں والا بھی 14 سال پہلے دشمنی کی بھینٹ چڑھ گیا تھا، ٹیپو ٹرکاں والا کو 2010 میں دبئی سے واپسی پر قتل کیا گیا تھا،بالاج قتل واقعہ کے بعد میں خوف ھراس پھیل گیا ہے،گینگ وار شروع ھونے کا خطرہ ہے،
امیر بالاج ٹیپو قتل کیس، احسن شاہ کے گھر سے رقم برآمد،ایک اور مبینہ ملزم گرفتار
امیر بالاج قتل کیس، شوٹر مظفر مالشیا نہیں بلکہ طیفی بٹ کا گن مین تھا
امیر بالاج کو قتل کرنے والی ٹیم کے سرغنہ کی شناخت
امیر بالاج ٹیپو قتل کیس،ایک اور موبائیل فوٹیج،ایک اور ملزم سامنے آ گیا
امیر بالاج ٹیپو قتل کیس،ایک اور حملہ آور گرفتار،تحقیقاتی ٹیم تشکیل
امیر بالاج ٹیپو قتل کیس،اہم پیشرفت،ریکی کرنیوالا دوست گرفتار
امیر بالاج ٹیپو قتل کیس: نامزد ملزم طیفی بٹ کی گرفتاری کیلئے انٹر پول سے رابطہ
امیر بالاج ٹیپو قتل کیس،حملہ آور کی لاش ورثا کے حوالے
ٹیپو ٹرکاں والا کا بیٹا امیر بالاج قتل،طیفی بٹ مقدمے میں نامزد
