بھارتی فلم ساز و اداکارہ پوجا بھٹ نے عامر خان اور کرن راؤ کی طلاق کی خبر پرکہا ہے کہ رشتے کاغذ پر نہیں بلکہ دل میں بنائے جاتے ہیں۔
باغی ٹی وی : پوجا بھٹ نے سماجی رابطے کی ویب سائٹ ٹوئٹر پر اپنے ٹوئٹ میں لکھا کہ شوہر اور بیوی کی حیثیت سے علیحدگی اختیار کرنے کے فیصلے کے بعد بھی باہمی تعاون سے اپنے بچوں کی پرورش کرنا کوئی نئی بات نہیں ہے۔
Most marriages end badly. The ones that don’t are looked upon as an anomaly. People understand and accept bitterness & hate more than they do largesse and compassion. Which is why most people rather live a lie than face the truth about themselves & a relationship they are in. 🙏
— Pooja Bhatt (@PoojaB1972) July 4, 2021
پوجا نے لکھا کہ رشتے کاغذ پر نہیں بنائے جاتے بلکہ رشتے تو دل سے بنتے ہیں اور شادی ٹوٹنے کے بعد بھی اپنے رشتے کو احترام کے ساتھ برقرار رکھنے کے لیے دیانتداری کی ضرورت ہوتی ہے۔
اُنہوں نے اپنے اگلے ٹوئٹ میں لکھا کہ زیادہ تر شادیاں بُری طرح ختم ہوتی ہیں جن میں دوبارہ تعلقات قائم رکھنا ناممکن ہوتا ہے لوگ تلخی کو سمجھتے اور قبول کرتے ہیں، یہی وجہ ہے کہ زیادہ تر لوگ اپنے اور اس رشتے کے بارے میں حقیقت کا سامنا کرنے کے بجائے جھوٹ بولتے ہیں۔
خیال رہے کہ بالی ووڈ اسٹار عامر خان نے اہلیہ کرن راؤ سے 15 برس تک رشتۂ ازدواج میں منسلک رہنے کے بعد باضابطہ طور پر طلاق کا اعلان کردیا ہے دونوں نے طلاق سے متعلق مشترکہ بیان جاری کیا جس میں انہوں نے اپنے چاہنے والوں کو بتایا کہ ان کی شادی اختتام پذیر ہوگئی ہے، لیکن اسے ایک نئے سفر کے طور پر دیکھا جائے دونوں کی 2005 میں شادی ہوئی تھی اور ان کا ایک بیٹا آزاد راؤ خان بھی ہے –
