Ayesha Rehmani
چندی گڑھ : بھارت میں خالصتان کےحامی اور ’وارث پنجاب دے‘ تنظیم کے سربراہ امرت پال سنگھ نے بیوی کی حراست کے بعد گرفتاری دے دی-
باغی ٹی وی: بھارتی میڈیا کے مطابق امرت پال سنگھ کی گرفتاری کی تصدیق پنجاب پولیس کے اعلیٰ افسران نے کی ہے امرت پال سنگھ نے خود کو پنجاب کے علاقے موگا میں پولیس کے حوالے کیا امرت پال سنگھ نےگرفتاری سےقبل موگا کے گرودوارے میں خطاب کیا اور اس کے بعد پولیس کو اپنی موجودگی کی اطلاع دی خطاب کے بعد پنجاب پولیس نے امرت پال سنگھ کو گردوارےکےباہر سےگرفتارکر لیا پولیس انھیں خصوصی طیارے کے ذریعے آسام کے ڈبرو گڑھ لے گئی-
بھارتی وزیراعظم نریندر مودی کو ملی خود کش حملے کی دھمکی
انھوں نے اپنے خطاب میں کہا کہ ان کے خلاف جھوٹے مقدمات درج کیے گئے ہیں۔ اس خطاب کی ایک ویڈیو سوشل میڈیا پر بھی پوسٹ کی گئی ہےجرنیل سنگھ بھنڈرانوالے اسی گاؤں میں پیدا ہوئے تھے،اس گاؤں میں امرت پال سنگھ کو ’وارث پنجاب دے‘ کا سربراہ بنایا گیا تھا-
بھارتی پولیس 37 دنوں سے ’ وارث پنجاب دے‘ تنظیم کے بانی اور سربراہ اور خالصتان سربراہ امرت پال سنگھ کو تلاش کررہی تھی۔ کچھ روز قبل امرت پال سنگھ کی اہلیہ کو ائیرپورٹ سے گرفتار کیا گیا تھا۔
سوڈان :سعودی شہریوں اور دیگر ممالک کے شہریوں کا انخلا شروع
پولیس حکام کا کہنا ہے کہ امرت پال سنگھ کو آسام کی انتہائی سخت سیکورٹی والی جیل میں منتقل کردیا گیا ہے۔امرت پال کے 8 ساتھی پہلے ہی سے آسام جیل میں قید ہیں۔ امرت پال سنگھ کو سیکورٹی خطرہ ہونے اور ملکی مفادات کیخلاف کام کرنےکےالزامات پر گرفتارکیا گیا ہے۔
پنجاب پولیس نے شہریوں سے امن اور ہم آہنگی برقرار رکھنے کی اپیل کی ہےلوگوں سے کہا ہے کہ وہ کوئی بھی جعلی خبر شیئر نہ کریں اور شیئر کرنے سے پہلے خبر کی تصدیق کریں۔
