امریکی باکس آفس کورونا وائرس کی وجہ سے شدید ترین مسائل کا شکار

دنیا بھر میں تفریحات بھی کورونا وائرس کی وجہ ماند پڑنے لگیں جان لیوا وائرس کی وجہ سے سینما انڈسٹری بھی شدید ترین مسائل کا شکار ہوچکی ہے گذشتہ ہفتے کے اختتام پر ٹکٹوں کی فروخت 20 سال کے دوران کی کم ترین سطح پر آچکی ہے

باغی ٹی وی : امریکی باکس آفس پر اس ہفتے بھی ڈزنی کی فلم آن ورڈ ہی نمبر ون رہی مگر کورونا کے خوف کے باعث اور حکومتی پابندیوں کی وجہ سے لوگوں نے سینما کا رخ کرنا چھوڑ دیا جس کے باعث پچھلے ہفتے 39 ملین ڈالر کمانے والی فلم اس بار صرف 10.5 ملین ڈالر کما کر پہلے نمبر پر رہی

جبکہ آئی اسٹل بیلیو 9.5 ملین ڈالر کما کر دوسرے نمبر پر رہی سونی کی سپر ہیرو فلم بلڈشاٹ باکس آفس پر 9.3 ملین ڈالر کما کر تیسرے نمبر پر رہی اس میں مرکزی کردار ون ڈیزل نے کیا

واضح رہے کہ دنیا بھر میں تفریحات بھی کورونا وائرس کی وجہ سے سینما انڈسٹری شدید ترین دھچکے کا شکار ہوچکی ہے گذشتہ ہفتے کے اختتام پر ٹکٹوں کی فروخت 20 سال کے دوران کی کم ترین سطح پر آچکی ہے اعداد و شمار کے مطابق اس قدر کمی 2001 میں ہونے والے نائن الیون کے حملوں کے بعد بھی نہیں آئی تھی

خیال رہے کہ جان لیوا کورونا وائرس کے خوف کے باعث امریکا میں 5 ہزار سینما مکمل بند ہوچکے ہیں اور بہت سے مزید بند ہونے کے امکان ہیں