امریکی گلوکارہ نکی مناج کے والد کار حادثے میں ہلاک

معروف امریکی گلوکارہ نکی مناج کے والد گاڑی کی ٹکر لگنے سے 64 سال کی عمر میں ہلاک ہوگئے۔

باغی ٹی وی : بین الاقوامی خبر رساں ادارے کے مطابق نکی مناج کے والد رابرٹ میراج کو نیویارک میں لونگ آئی لینڈ میں تیز رفتار کار نے گزشتہ روز اس وقت ٹکر ماری جب وہ سڑک کنارے چہل قدمی کر رہے تھے جبکہ کار ڈرائیور فرار ہو گیا اور 64 سالہ رابرٹ مراج کو شدید زخمی حالت میں اسپتال منتقل کیا گیا تھا۔

اسپتال انتظامیہ نے میڈیا کو بتایا کہ رابرٹ میراج کا علاج جاری تھا تاہم گہری چوٹوں اور زیادہ خون بہہ جانے کے باعث وہ جانبر نہ ہوسکےلاش کو ضروری کارروائی کے بعد لواحقین کے حوالے کردیا گیا۔

گلوکارہ نکی مناج کے ترجمان نے والد رابرٹ میراج کی کار حادثے میں ہلاکت کی تصدیق کی ہے تاہم کوئی بیان جاری نہیں کیا گیا ہے۔ نکی مناج اس وقت امریکہ میں ہی ہیں اور چار ماہ قبل ہی ان کے یہاں بچے کی پیدائش ہوئی ہے۔

پولیس نے ٹکر مارنے کے بعد فرار ہونے والے کار ڈرائیور کی شناخت کے لیے واقعے کے عینی شاہدین سے تعاون کی اپیل کی ہے جب کہ ملزم کی گرفتار کے لیے سی سی ٹی وی فوٹیجز سے بھی مدد لی جارہی ہے جبکہ گلوکارہ نے اس بارے کوئی بیان جاری نہیں کیا-

جواب چھوڑیں

آپ کا ای میل ایڈریس شائع نہیں کیا جائے گا.