معروف امریکی ریسلر پیٹ پیٹرسن انتقال کرگئے

معروف امریکی ریسلر پیٹ پیٹرسن 79 برس کی عمر میں انتقال کرگئے۔

باغی ٹی وی :ریسلر پیٹ پیٹرسن طویل عرصے سے کینسر کی بیماری میں مبتلا تھے۔ ڈبلیو ڈبلیو ای اور ساتھی ریسلرز کی جانب سے ان کی موت کی تصدیق اور دکھ کا اظہار کیا گیا ہے۔

غیرملکی میڈیا کے مطابق پیٹ پیٹرسن نے ریسلنگ کا آغاز 1950 میں کیا جب کہ اپنے کیریئر کے دوران انہوں نے کئی بڑے اور مشہور ریسلرز کے ساتھ ریسلنگ بھی کی۔

پیٹ پیٹرسن 1984 میں ریٹائر ہوگئے تھے ریسلنگ کے بعد پیٹ پیٹرسن نے ڈبلیو ڈبلیو ای کے لئے کمنٹری بھی کی جبکہ 1996 میں ان کا نام ہال آف فیم میں بھی شامل کیا گیا۔

مشہور امریکی ریسلر ڈوین جانسن سمیت دیگر ریسلرز اور معروف شخصیات نے بھی پیٹ پیٹرسن کی موت پر گہرے دکھ کا اظہار کیا۔