اے این ایف کی کارروائی؛ ملک کے مختلف حصوں سے بھاری مقدار میں منشیات برآمد

اے این ایف کی کارروائیاں؛ملک کے مختلف حصوں سے بھاری مقدار میں منشیات برآمد.

ملک کے مختلف شہروں میں محکمۂ انسدادِ منشیات (اے این ایف) کی کارروائیاں جاری ہیں، بلوچستان، پنجاب اور خیبر سے بھاری مقدار میں منشیات برآمد کر لی گئیں۔ ذرائع کے مطابق اے این ایف نے لاہور انٹرنیشنل ائیرپورٹ پر کارگو میں امریکا سے بھیجے جانے والے پارسل سے 1 کلو 550 گرام بھنگ برآمد کی جبکہ بلوچستان میں بھی کارروائی کی گئی۔ جبکہ اسلام اباد کے ایک ایریا سے بھی دو شخص کو پکڑا گیا ہے جن سے چرس برآمد ہوئی ہے.

بلوچستان میں چمن کے علاقے سے 186 لیٹر ممنوعہ کیمیکل برآمد ہوا جبکہ خیبر میں اے این ایف اور ایف سی کی مشترکہ کارروائی کے دوران پلاسٹک کے تھیلوں سے 16کلو 185گرام چرس برآمد ہوئی۔ اے این ایف حکام نے انسدادِ منشیات ایکٹ کے تحت مقدمات درج کرکے منشیات فروشی کے الزام پر ملزمان کے خلاف تحقیقات کا آغاز کردیا ہے۔
مزید یہ بھی پڑھیں؛
عمران خان کی کہانی ختم:ہرطرف سے پکی چھٹی:15نومبرکوعمران خان جیل میں ہوںگے؟
وفاقی وزیر نے تحریک انصاف سے مذاکرات سے متعلق رابطوں کی تصدیق کردی
وائرلیس آپریٹر ویئون (جاز) کا پاکستان میں اپنے ٹاورز فروخت کرنے کا منصوبہ
شاعر مشرق علامہ محمد اقبال کا 145 واں یوم پیدائش آج منایا جا رہا ہے
خیال رہے کہ اس سے قبل اینٹی نارکوٹکس فورس (اے این ایف) نے ملک کے مختلف شہروں میں کارروائیوں کے دوران بھاری مقدار میں منشیات برآمد کرلیں۔ اینٹی نارکوٹکس فورس نے گزشتہ روز باچہ خان انٹرنیشنل ائیرپورٹ پر کارروائی کرتے ہوئے نجی پرواز جی ایف 785 کے ذریعے بحرین جانے والے ملزم کے پیٹ سے 89 ہیروئن بھرے کیپسول برآمد کرلیے۔ دوسری کارروائی میں لوئر دیر کے رہائشی ملزم کے پیٹ سے 60 ہیروئن بھرے کیپسول برآمد ہوئے ہیں، ملزم فلائٹ نمبر پی اے 612 سے شارجہ جارہا تھا۔

ترجمان اے این ایف کا کہنا ہے کہ منشیات جیسے گھناؤنے کام میں ملوث مجرمان کو کیفر کردار تک پہنچایا جائے گا اور سخت سے کاروائی عمل میں لائی جائے گی تاکہ منشیات جیسے موذی نشے کا خاتمہ ممکن بنایا جاسکے.