اے این ایف نے جدہ جانے والے مسافر سے بھاری مقدار میں آئس برآمد کرلی

اے این ایف نے جدہ جانے والے مسافر سے بھاری مقدار میں آئس برآمد کرلی

اینٹی نارکوٹکس فورس (اے این ایف) نے ملک کے مختلف شہروں میں کارروائیوں کے دوران بھاری مقدار میں منشیات برآمد کرلی۔ اے این ایف نے لاہور انٹرنیشنل ائیرپورٹ پر کارروائی کرتے ہوئے جدہ جانے والے ملزم کے بیگ سے 780 گرام آئس برآمد کرلی، سیف اللہ نامی ملزم سیالکوٹ کا رہائشی ہے اور بذریعہ فلائٹ نمبر PA-472 سے جدہ جا رہا تھا.

دوسری کارروائی میں اے این ایف نے ہائی وے گڈانی نزد لسبیلہ کے قریب سے کار سے 84 کلو چرس برآمد کرلی اور 2 ملزمان کو گرفتار کرلیا۔ گاڑی میں سوار خیر محمد کا تعلق خیر محمد کا تعلق جھنگ جبکہ عمران کا تعلق کوئٹہ سے ہے۔ حکام نے ملزمان کیخلاف انسدادِ منشیات ایکٹ کے تحت مقدمات درج کر کے مزید تحقیقات کا آغاز کردیا ہے۔

ANF Weekly News Bulletin – 17 Oct to 23 Oct 2022 #awnb #ANF pic.twitter.com/WX25htq6uE

— Anti Narcotics Force (@anfpak) October 25, 2022

واضح رہے کہ؛ اینٹی نارکوٹکس فورس (اے این ایف) نے وفاقی دارالحکومت اسلام آباد میں گزشتہ دنوں بڑی کارروائی کرتے ہوئے ایک ہزار 48 کلو گرام سے زائد منشیات برآمد کر لی تھی. تفصیلات کے مطابق اینٹی نارکوٹکس فورس (اے این ایف) نے خفیہ اطلاع پر اسلام آباد میں ایک بڑی چھاپہ مار کارروائی کی جس دوران ایک ٹن وزن سے زائد منشیات برآمد ہوئی اور 2 ملزمان کو گرفتار بھی کیا گیا۔
مزید یہ بھی پڑھیں؛ بدھ سے کراچی کو حب کینال سےدو دن پانی کی فراہمی معطل رہے گی
امریکا کا صحافی ارشد شریف کی موت پر اظہار افسوس،شفاف تحقیقات کا مطالبہ
شادی سے انکار پر لڑکے نے 22 سالہ کزن کو زندہ جلا دیا،پسند کی شادی نہ ہونے پرلڑکے نے کزن کو قتل کر کے خودکشی کرلی

حکام کے مطابق منشیات ریفریجریٹر کنٹینرز میں بلوچستان سے پنجاب سمگل کرنے کی کوشش کی جا رہی تھی، اس کارروائی میں سرغنہ سمیت بین الصوبائی سمگلرز گروپ کے دو اہم کارندے گرفتار کئے گئے ہیں۔ اے این ایف حکام کے مطابق برآمد شدہ منشیات میں ایک ہزار 20 کلو گرام چرس اور 28 ہزار 800 کلو ہیروئن شامل ہے، ملزمان کے خلاف انسداد منشیات ایکٹ کے تحت مقدمہ درج کرکے تفتیش شروع کر دی گئی ہے۔