انوشکا اور ویرات کے ہاں بیٹی کی پیدائش

بھارتی اداکارہ انوشکا شرما اور کرکٹر ویرات کوہلی کے ہاں بیٹی کی پیدائش ہوئی ہے۔

باغی ٹی وی : کرکٹرویرات کوہلی نے سماجی رابطے کی ویب سائٹ انسٹاگرام اکاؤنٹ پر جاری پوسٹ میں ننھی پری کی آمد کی اطلاع دی۔

انہوں نے بتایا کہمیں یہ اعلان کرتے ہوئے پرجوش ہوں کہ آج دوپہر ہمارے ہاں بیٹی کی پیدائش ہوئی ہے انوشکا اور بچی دونوں خیریت سے ہیں۔

انہوں نے لکھا کہ آپ کی نیک تمناؤں، پیار اور دعاؤں کا شکرگزار ہوں۔

ویرات کا کہنا تھا کہ انوشکا اور میں اپنی زندگی کی اس نئے سفر پر بے حد خوش ہیں۔

ساتھ ہی ویرات نے کہا کہ مجھے امید ہے کہ آپ سب اس وقت ہماری پرائیویسی کا خیال رکھیں گے۔

خیال رہے کہ انوشکا اور ویرات 2017 میں شادی کے بندھن میں بندھنے تھے گزشتہ برس 27 اگست کو ویرات کوہلی اور انوشکا شرما نے سوشل میڈیا اکاؤنٹس پر اپنے مداحوں کو یہ خوشخبری سنائی کہ’اور پھر ہم 3 ہونے جارہے ہیں۔