انور مقصود کو معافی مانگنی پڑ گئی لیکن کیوں؟

معروف لکھاری، دانشور اور طنز و مزاح نگار انور مقصود سے ہیں ان کے پرستار کچھ ناراض. پرستاروں کی ناراضگی کو جائز جانتے ہوئے انور مقصود نے مانگ لی ہے ان سے معافی. رپورٹس کے مطابق انور مقصود نے اپنے سیاسی مزاحیہ تھیٹر ڈرامہ ساڑھے 14 اگست میں آئٹم سانگ شامل کیا جس پر شائقین بےحد ناراض ہوئے .انہوں نے اعتراف کیا کہ تھیٹر ڈرامہ ساڑھے 14 اگست پاک و ہند کی تاریخ ، تہذیب اور ثقافت پر مبنی ہے، چونکہ جدید تقاضوں سے بھی اس ڈرامے کو ہم آہنگ کرنا تھا اسلئے آج کی تہذیب و ثقافت دکھانا بھی ضروری تھا اس لئے آئٹم سانگ شامل کر لیا لیکن میں ان سب سے معافی مانگتا ہوں کہ جن کو یہ تجربہ اچھا نہیں لگا. انہوں نے اس موقع پر یہ بھی کہا کہ ساڑھے 14 اگست کے لئے یہ

آخری ڈرامہ ہے اسکے بعد اب میں اس سیریز کا کوئی بھی ڈرامہ نہیں لکھوں گا.اب کوئی نئی کوشش کروں گا. یاد رہے کہ انور مقصود آج کل کے ڈراموں کے حوالے کہتے ہیں کہ آج کا ڈرامہ جس طرح کا بن رہا ہے اسے اگر لوگ پسند کررہے ہیں تو اچھی بات ہے لیکن میں کم از کم ایسے ڈرامے نہیں لکھ سکتا نہ ہی کسی کی ڈکٹیشن پر چل سکتا ہوں اس لئے میں نے خود بخود ہی کنارہ کشی اختیار کر لی ہے.