آرمی پبلک سکول پشاور کے طالب علم احمد نواز کو انٹرنیشنل ایجوکشن کمپئن اور یوتھ کو متحرک کرنے کے حوالے سے پرنسس ڈیانا ایوارڈ دیا جائیگا.
باغی ٹی وی کی رپورٹ کے مطابق یہ ایوارڈ یکم جولائی کی سہہ پہر کو پارلیمنٹ ہاؤس میں شام چار بجے دیا جائیگا. لیڈی ڈیانا ایوارڈ لینے والے احمد نواز پہلے پاکستانی ہیں۔
ایوارڈ دیے جانے کی اس تقریب میں رائل فیملی کے ممبرز کی بھی نمائندگی متوقع ہے. واضح رہے کہ احمد نواز آرمی پبلک سکول سانحہ میں بچ جانے والے طلباء میں شامل ہیں اور ان کا ایک بھائی حارث اس سانحہ میں شہید ہو گیا تھا. احمد نواز انتہاپسندی کے خلاف ایک علامت بن کر ابھرے ہیں. احمد نواز اب تک برطانیہ میں ہاؤس آف لارڈز، آکسفورڈ یونیورسٹی سمیت دو سو سے زائد تعلیمی اداروں کے علاوہ دنیا کے مختلف ممالک میں خطاب کر چکے ہیں۔
برطانوی وزیراعظم تھریسا مے نے بھی احمد نواز سے ملاقات کی تھی اور ان کو خدمات کو زبردست الفاظ میں سہراتے ہوئے کہا تھا کہ ’وہ کام جو برطانیہ ارب پاونڈز خرچ کرکے نہ کرسکا احمد نواز نے کر دکھایا ہے۔
احمد نواز کو یہ اعزاز بھی حاصل ہے کہ وہ برطانیہ کے انسداد دہشت گردی یونٹ کے 11 سے 16 سال کے نوجوانوں کو انتہا پسندی سے بچانے کی مہم ’ایکشن کاؤنٹر ٹیرر ازم‘ میں سرکاری طور پر ان کی مدد کر رہے ہیں۔ ان کو لندن کی ایڈوائزری بورڈ آف نیشنل ٹیررازم کونسل کا رکن بھی نامزد کیا گیا ہے۔ اسی طرح احمد نواز کو برطانیہ اور یورپ کا ینگ پرسن آف دی ایئر، ایشیا انسپائریشن ایوارڈ اور درجنوں دیگر ایوارڈز سے نوازا جا چکا ہے۔