ورلڈ کپ، انگلینڈ نے بھارت کو 31 رنز سے شکست دے دی

0
35

انگلینڈ نے ورلڈ کپ کے اہم میچ میں‌ بھارت کو 31 رنز سے شکست دے دی ہے. انگلینڈ نے بھارت کو 38 ویں میچ میں جیتنے کیلئے 338 رنز کا بڑا ہدف دیا تھا جسے بھارتی ٹیم طے کرنے میں‌ ناکام رہی. انگلینڈ کی جانب سےلیام پلنکٹ نے3اورکرس ووکس نے2کھلاڑی آؤٹ کئے. بھارت کی طرف سے بیٹنگ کے دوران بھارت کےروہت شرما 102 اور کپتان ویرات کوہلی 66 رنزبناکرنمایاں رہے.

باغی ٹی وی کی رپورٹ‌ کے مطابق بھارت کی جانب سےمحمد شامی نے5، بھمرااورکلدیپ یادیو نے ایک، ایک وکٹ حاصل کی . انگلینڈ کے کھلاڑیوں‌ نے پہلے کھیلتے ہوئے بھارت کے خلاف پر اعتماد بیٹنگ کی. دونوں اوپنر جونی اور جیسن نے اچھا آغاز فراہم کیا.. انگلینڈ نے بھارت کے خلاف ٹاس جیت کر بیٹنگ کا فیصلہ کیا۔

برمنگھم کے ایجبسٹن گراؤنڈ میں انگلش ٹیم کے کپتان اوئن مورگن نے ٹاس جیت کر بیٹنگ کا فیصلہ کیا جس کے بعد ان کا کہنا تھا کہ بھارت کے خلاف ٹیم میں دو تبدیلیاں کی گئی ہیں۔ انگلش ٹیم میں معین علی اور جیمس ونس کی جگہ جیسن روئے اور لیام پلنکٹ کو شامل کیا گیا ہے جبکہ بھارت نے وجے شنکر کی جگہ رشب پانٹ کو گیارہ رکنی ٹیم کا حصہ بنایا ہے۔

سیمی فائنل میں جگہ بنانے کے لیے انگلینڈ کو آج لازمی بھارت کو زیر کرنا تھا اور شکست کی صورت میں انگلش ٹیم ایونٹ سے باہر ہوسکتی تھی تاہم انگلینڈ یہ میچ جیتنے میں‌کامیاب رہا ہے.

Leave a reply