سانحہ اے پی ایس پانچویں برسی،ڈی جی آئی ایس پی آر کی طرف سے خصوصی ترانہ جاری
راولپنڈی: قوم اپنے ننھے شہداکوکبھی بھی نہیں بھول پائے گی ،ہم اپنے ان ننھے شہداکوخراج تحسین پیش کرتے رہیں گے اور آنے والی نسل کوبتائیں گے کہ اس ملک کی آبیاری میں اس قوم کے فرزندوں کا کتنا حصہ اورکردار ہے، اطلاعات کےمطابق سانحہ آرمی پبلک اسکول (اے پی ایس) کی پانچویں برسی کے موقع پر پاک فوج کے شعبہ تعلقات عامہ (آئی ایس پی آر) کی جانب سےخصوصی ترانہ جاری کر دیا گیا۔
https://youtu.be/XWmkEFDjnl4
ڈائریکٹر جنرل (ڈی جی) آئی ایس پی آر میجر جنرل آصف غفور نے سماجی رابطوں کی ویب سائٹ ٹوئٹرپرسانحہ اے پی ایس کے شہدا کو خراج عقیدت پیش کرتے ہوئے کہا کہ سانحہ اے پی ایس کو کبھی نہیں بھلایا جائے گا۔انہوں نےٹویٹرپرپیغام دیاکہ شہدا اوران کے اہلخانہ کو سلام پیش کرتے ہیں، دہشتگردی کو ناکام بنانے کےلیےہم نے طویل جدوجہد کی ہے۔
“APS carnage will never be forgotten. Five of the involved terrorists have been hanged through military courts. Salute to martyrs and their families. We have come a long way in failing terrorism as a nation. United we move towards lasting peace and prosperity of Pakistan”, COAS. pic.twitter.com/Swv1ocF3gO
— DG ISPR (@OfficialDGISPR) December 16, 2019
آرمی چیف جنرل قمر جاوید باجوہ کی جانب سے دیے گئےپیغام میں انہوں نے لکھا کہ پاکستان میں دیرپا امن اور خوشحالی کےلیے متحد ہوکرآگے بڑھنا ہوگا۔واضح رہے کہ سانحہ آرمی پبلک سکول کے شہدا کی پانچویں برسی آج منائی جا رہی ہے ۔16دسمبر 2014ء کا دن، تاریخ میں سیاہ ترین دن کے نام سے یاد کیا جاتا ہے۔
سانحے میں شہید ہونے والے اپنے پیاروں کی یاد میں والدین اور پوری قوم کی آنکھیں آج بھی پرنم ہیں،اس دن کی مناسبت سے ملک بھر میں خصوصی دعائیہ تقریبات کاانعقاد کیاگیاہے ، شہدا کی روح کو ایصال ثواب کے لئے فاتحہ اور قرآن خوانی کا اہتمام بھی کیاگیاہے۔
اس دن سفاک دہشت گردوں نے پشاور کے آرمی پبلک اسکول میں وحشت اور بربریت کی انتہا کر دی اور 149 گھروں میں صف ماتم بچھا دی گئی۔سانحہ اے پی ایس نے ملک سمیت دنیا بھر کے کروڑوں انسانوں کی آنکھوں کو نم کر دیا، پانچ سال پورے ہونے کے بعد آج بھی بچھڑنے والوں کا غم اسی طرح تروتازہ ہے۔
