آرامکو حملوں کے خلاف ٹھوس اور مضبوط موقف اپنانا ہو گا، شہزادہ محمد بن سلمان
باغی ٹی وی رپورٹ : سعودی عرب کے ولی عہد شہزادہ محمد بن سلمان نے مریکی وزیر دفاع مارک ایسپر سے ٹیلیفون پر گفتگو کے کہا ہے کہ آرامکوپر حملے ایک خطرناک عمل ہے دنیا کو اس کے مقابلے ٹھوس انداز سے جواب دینا ہو گا.دوسری طرف خطے میں امریکی فوجی دستوں کی تعیناتی کے لیے کیے جانے والے انتظامات پربھی تبادلہ خیال کیا۔جس سے ظاہر ہوتا ہےکہ مشرق وسطی میں کچھ ہونے جا رہا ہے
دوسری طرف سعودی عرب کے وزیر خارجہ عادل الجبیر نے کہا کہ ارامکو حملے کی تحقیقات مکمل ہونے کے بعد ایران کو جواب دینے کے لیے تمام آپشنز پر غور کیا جائے گا، سعودی عرب کے وزیر خارجہ عادل الجبیر نے کہا کہ ابتدائی تحقیقات میں یہ بات سامنے آئی ہے کہ تیل تنصیبات پر ہونے والے میزائل حملوں کا منبع ایران تھا۔
سعودی وزیر خارجہ نے کہا کہ ایران نے حزب اللہ اور حوثی ملیشیا کو بیلسٹک میزائل فراہم کیے ہیں، خطے کو عدم استحکام سے دوچار کرنے کے ایرانی اقدامات اور رویے کو روکنے کے لیے تمام ممکنہ ضروری اقدامات اٹھائے جائیں گے۔
