ارجینٹینا کی نائب صدرکرسٹینا فرنینڈز دکرچنر کومبینہ بدعنوانی کے الزام میں 12 سال کی سزا سنادی گئی۔
باغی ٹی وی : خاندانی ذرائع کے مطابق ملک کی سابق صدر اور موجودہ نائب صدر کرسٹینا فرنانڈیز ڈی کرچنر نے "میڈیا جوڈیشل فائرنگ اسکواڈ” کو مسترد کر دیا ہے جس کے بارے میں انہوں نے کہا کہ وہ پہلے ہی ان الزامات پر اپنی سزا لکھ چکی ہیں کہ اس نے ایک غیر قانونی اسکیم کی قیادت کی جس میں عوامی کاموں کے ٹھیکے دینے کے ذریعے ریاستی فنڈز کو چوری کیا گیا۔
امریکا میں منجمد اثاثے افغان عوام کی امانت ہیں اس پر نائن الیون کے متاثرین کا کوئی حق نہیں،امریکی جج
پیر کے روز، مقدمے کے سرکردہ پراسیکیوٹر نے بیونس آئرس کی ایک وفاقی عدالت سے کہا کہ وہ فرنینڈز ڈی کرچنر کو 12 سال قید کی سزا سنائے اور اس پر زندگی بھر عوامی عہدہ رکھنے پر پابندی عائد کرے تاہم کرسٹینا نے الزامات کی تردید کی ہے اور کہا ہے کہ وہ عدالتی اور سیاسی ظلم و ستم کا شکار ہے۔
کرسٹینا فرنینڈز کی سزا کے خلاف ان کے حامیوں نے ان کے گھر کے باہر جمع ہوکر احتجاجی مظاہرہ کیا، مظاہرین کا کہنا تھا کہ کرسٹینا فرنینڈز کو جوڈیشل پراسیکوشن کا نشانہ بنایا گیا ہے۔
پولیس کی جانب سے نائب صدر کے گھر کے باہر امکانی ہجوم جمع ہونے کے پیش نظر لگائی گئی رکاوٹوں کو مظاہرین کی جانب سے مخالف جماعت کے میئر کی اشتعال انگزیزی کی قرار دیتے ہوئے ہٹانے کی کوشش کی گئی۔
میرا دل پاکستان کے لوگوں کے ساتھ ہے ،مفتی مینک کا پاکستان کیلئے دعائیہ پیغام
مظاہرین کی رکاوٹیں ہٹانے کی کوشش کے دوران پولیس کی جانب سے مظاہرین کو منتشر کرنے کیلئے ہائڈرنٹ ٹرکوں کا استعمال کیا گیا، جس دوران کافی مظاہرین زخمی ہوئے۔
ارجینٹینا کی نائب صدرکرسٹینا فرنینڈز نے اپنے مظاہرین کواحتجاج ختم کرنے کی اپیل کرتے ہوئے کہا کہ مظاہرین احتجاج ختم کرکے پرامن گھروں کو چلے جائیں۔
واضح رہے کہ گزشتہ روز نائب صدر کے حامیوں اورپولیس جھڑپوں میں 14 پولیس اہلکار زخمی ہوئے تھے۔
