لاہور:اسے کہتے ہیں سفارتکاری : صدرنے بھارتی سیاستدان شترو گھن سنہا سے کہہ دیا کہ بھارت مقبوضہ کشمیرمیں مظالم ڈھا رہا ہے،یہ بھارت کے لیے اچھا نہیں ہوگا،اطلاعات کےمطابق صدر مملکت ڈاکٹر عارف علوی سے بھارتی سیاستدان اور بالی ووڈ کے اداکار شتروگھن سنہا نے ملاقات کی۔
Indian politician Shatrughan Sinha met President Dr. Arif Alvi in Lahore today. They discussed the importance of building peace bridges across the border. Mr. @ShatruganSinha endorsed concern of the President about the lockdown of occupied Kashmir for more than 200 days. pic.twitter.com/3eiYsqRu4m
— The President of Pakistan (@PresOfPakistan) February 22, 2020
صدر پاکستان کے نام سے بنے ٹویٹر اکاؤنٹ پر ٹویٹ کرتے ہوئے بتایا گیا کہ ڈاکٹر عارف علوی اور شترو گھن سنہا کے درمیان ملاقات لاہور میں ہوئی۔صدر مملکت ڈاکٹر عارف علوی نے مقبوضہ کشمیر میں انسانی حقوق کی پامالیوں پر اظہار تشویش کیا۔ جبکہ ملاقات کے دوران صدر نے بھارت میں اقلیتوں خصوصاً مسلمانوں پرظلم وستم کو اجاگرکیا۔
بھارتی سیاستدان شترو گھن سنہا نے مقبوضہ کشمیر میں جاری 200 روز سے زائد کریک ڈاؤن پر صدر عارف علوی کے موقف کی تائید کی۔واضح رہے کہ بھارتی شتروگھن سہنا کا پاکستان کے شہر لاہور میں گزشتہ چند روز سے مقیم ہیں اور ایک شادی کی تقریب میں شرکت کرنے آئے ہیں۔
اداکار شتروگھن سنہا کی ایک ویڈیو سوشل میڈیا پر وائرل ہورہی ہے جس میں وہ گزشتہ روز لاہور میں ایک شادی کی تقریب میں موجود ہیں۔ اسی تقریب میں فلمسٹار ریما خان بھی موجود ہیں۔ ویڈیو میں دونوں کو ایک ساتھ فوٹو سیشن کراتے ہوئے بھی دیکھا جاسکتا ہے۔
