آرمی چیف کا پاک بحریہ اور پاک فضائیہ کے ہیڈ کوارٹرز کا الوداعی دورہ

آرمی چیف جنرل قمر جاوید باجوہ نے پاک بحریہ اور پاک فضائیہ کے ہیڈ کوارٹرز کا الوداعی دورہ کیا ہے۔

باغی ٹی وی : آئی ایس پی آر کے مطابق نیول ہیڈ کوارٹرز میں آرمی چیف کو پاک بحریہ کے دستے نے گارڈ آف آنر پیش کیا، آرمی چیف جنرل قمر باجوہ نے نیول ہیڈکوارٹرز کے پرنسپل اسٹاف افسران سے ملاقات کی۔

جنرل قمر جاوید باجوہ نے پاکستان کی فضائی اور بحری سرحدوں کے تحفظ کے لئے پاک فضائیہ اور بحریہ کے کردار کو سراہا ائیر ہیڈ کوارٹرز آمد پر آرمی چیف کو پاک فضائیہ کے ایک دستے نے گارڈ آف آنر پیش کیا جس کے بعد انہوں نے ائیر ہیڈ کوارٹرز کے پرنسپل سٹاف آفیسرز سے بات چیت کی ۔

بعد ازاں آرمی چیف نے پاک فضائیہ کے سربراہ ائیر چیف مارشل ظہیر احمد بابر سدھو سے ملاقات کی اور پاکستان کی فضائی سرحدوں کا دفاع کرنے پر پاک فضائیہ کی بھرپور پیشہ ورانہ مہارت کو سراہا اور دہشت گردی کے خلاف جنگ میں پی اے ایف کے اہم کردارپر روشنی ڈالی۔

سرکاری نمبر پلیٹس والی گاڑیوں میں لینڈ مافیا اکرم درانی کی مسلح افراد کےہمراہ زمین…

اس کے علاوہ آرمی چیف نے ہیڈ کوارٹرز راولپنڈی کور کا بھی دورہ کیا اور یادگار شہداء پر پھول رکھے، آرمی چیف نے راولپنڈی کور میں افسران اور فوجی دستوں سےخطاب بھی کیا، آرمی چیف نےسیاچن اور ایل او سی سمیت ملکی سرحدوں کے دفاع پر راولپنڈی کور کو سراہا۔

آرمی چیف کی آمد پر کور کمانڈر راولپنڈی لیفٹیننٹ جنرل ساحر شمشاد مرزا نے استقبال کیا۔

فیصل واوڈا فیکٹ فائنڈنگ کمیٹی میں پیش،ارشد شریف قتل سے متعلق ایک اور دعویٰ کر دیا