راولپنڈی:آرمی چیف جنرل قمر جاوید باجوہ نے رسالپور اور نوشہرہ کا دورہ کیا ہے۔اطلاعات کے مطابق پاک فوج کے شعبہ تعلقات عامہ (آئی ایس پی آر )کے مطابق آرمی چیف جنرل قمر جاوید باجوہ نے رسالپور اور نوشہرہ کا دورہ کیا، ملٹری کالج آف انجینئرنگ پہنچنے پر آرمی چیف نے یادگار شہداء پر پھولوں کی چادر چڑھائی اور فاتحہ خوانی کی۔
آئی ایس پی آر کے مطابق آرمی چیف کو ملٹری کالج آف انجرنگ رسپالور کے امور کار پر بریفنگ دی گئی جبکہ آرمی چیف کو کاونٹر آئی ای ڈیز اسکول کے بارے میں بھی تفصیلی آگاہ کیا گیا۔
آئی ایس پی آر کا کہنا ہے کہ سمز میں تینوں مسلح افواج اور پولیس کے اہلکاروں کو کاونٹر آئی ای ڈیز کی ٹرینگ دی جاتی ہے۔ اس تربیت کے نتیجے میں انسداد دہشت کے کامیاب آپریشن کئے جائیں، دہشت گردی کے خلاف جنگ میں بارودی سرنگیں تلف کرنے میں مدد ملے گی۔
آئی ایس پی آر کا یہ بھی کہنا ہے کہ آرمی چیف نے کالج کی اسٹرکچرل لیب کا بھی دورہ کیا جبکہ آرمی چیف نے کور آف انجنرز کی مہارتوں کی تعریف بھی کی۔
بعد ازاں آرمی چیف جنرل قمر جاوید باجوہ نے ارمر اینڈ میکنائزڈ وار فئیر اسکول نوشہرہ کا بھی دورہ کیا جہاں آرمی چیف کو تربیتی امور اور جنگی ضروریات سے متعلق تفصیلی بریفنگ دی گئی۔
آرمی چیف نے مشینی جنگی تربیت کے لیے سنٹر آف ایکسی لینس کا بھی افتتاح کیا جس سے طلباء کی تکنیکی اور حکمت عملی کی صلاحیت میں اضافہ ہوگا۔
آرمی چیف جنرل قمر جاوید باجوہ نے مستقبل میں ابھرتے ہوئے میدان جنگ کے چیلنجوں سے ہم آہنگ رہنے اور نئے خطرات پر قابو پانے کے لیے افسران اور جوانوں کو تیار کرنے پر ارمر اینڈ میکنائزڈ وار فئیر اسکول کی تعریف کی۔
