فوج نے جو پیغام دینا تھا دے دیا، حالات ٹھیک ہوتے دیکھ رہا ہوں: شیخ رشیدکا دعویٰ

اسلام آباد: پاکستان کی سیاست میں شرافت نام کی چیز تو ہے ہی نہیں ، سیاستدان عوام سے ووٹ تو شرافت ، صداقت اور طاقت کے نام پر لیتے ہیں لیکن جب اسمبلیوں میں پہنچ جاتے ہیں تو نہ شرافت رہتی ہے اورنہ صداقت پھر وہ کچھ کردکھاتے ہیں جو اسلام آباد میں ہورہا ہے، دوسری طرف اپوزیشن کی ایسی ہی سیاست کے بارے میں تبصرہ کرتے ہوئے سیاسی نجومی شیخ رشید نے اپنا نقظہ نظر دے دیا ہے

ذرائع کے مطابق وزیر ریلوے شیخ رشید احمد نے کہا ہے کہ اپوزیشن کو تکلیف ہے کہ فوج آئینی حکومت کے ساتھ کھڑی ہے، افواج پاکستان کی جانب سے واضح پیغام دیا گیا ہے کہ بدامنی نہیں چاہتے۔شیخ رشید نے آج کور کمانڈرز کانفرنس کے تناظر میں اپنے بیان میں کہا ہے کہ افواج پاکستان کا بیان بہت اہم ہے، فوج نے جو پیغام دینا تھا دے دیا، حالات ٹھیک ہوتے دیکھ رہا ہوں۔

نیب کا مریم نواز کی ضمانت کو چیلنج کرنے کا فیصلہ کر لیا

انھوں نے کہا کہ فواج پاکستان نے واضح کہہ دیا ہے کہ ہم پاکستان کے ساتھ کھڑے ہیں، مولانا فضل الرحمان 48 گھنٹے میں ایک واضح فیصلہ کر لیں گے، اسلام آباد میں بیٹھ کر مذہبی انتہا پسندی کا پیغام دیا جا رہا ہے، مولانا کے مارچ کی وجہ سے مسئلہ کشمیر سے توجہ ہٹی۔

شیخ رشید کا کہنا تھا مشکل وقت میں بھی افواج پاکستان کے خلاف ایسی گفتگو نہیں سنی جو اب کی گئی ہے، تمام سیاسی صورت حال سمجھ میں آ رہی ہے، شیخ رشید نے پاکستانی سیاسی کھلاڑیوں کے حوالے سے اہم گفتگو کرتے ہوئے کہا کہ جب بھی بات ہوتی ہے ریلیف ان لوگوں کو ہی ملتا ہے، جدوجہد کسی اور کی ہوتی ہے فائدہ ن لیگ اور پی پی اٹھاتی ہے۔

اکستان آکر قتل نہیں ہونا چاہتا، ذوالفقار بھٹو جونیئرنے قاتل کی طرف اشارہ کردیا

واضح رہے کہ آج آرمی چیف کی زیر صدارت جی ایچ کیو میں 226 ویں کور کمانڈرز کانفرنس منعقد ہوئی، جس میں آرمی چیف جنرل قمر جاوید باجوہ نے کہا کہ قومی معاملات پر ہم آہنگی دشمن قوتوں کو شکست دینے کے لیے ضروری ہے، ہم تمام خطرات کے خلاف ملک کا دفاع کریں گے، افواج پاکستان آئین کے مطابق فرائض انجام دیتی رہے گی۔

شہباز شریف کا شکوہ،بے نتیجہ اجلاس ختم ، ن لیگ بھی مشکلات کا شکار