تحریک انصاف کے رہنما اسد عمر کی گرفتاری اور تفصیلات فراہمی سے متعلق کیس کی سماعت اسلام آباد ہائیکورٹ میں ہوئی
اسلام آباد ہائیکورٹ کے جسٹس میاں گل حسن اورنگزیب نے کیس کی سماعت کی ، اسد عمر کی جانب سے وکیل بابر اعوان عدالت میں پیش ہوئے عدالت نے دونوں جانب سے وکلا کے دلائل سننے کے بعد تھری ایم پی او کے تحت اسد عمر کی گرفتاری کالعدم قرار دیتے ہوئے انہیں رہا کرنے کا حکم دے دیا، عدالت نے اسد عمر کو ہدایت کی کہ پرتشدد احتجاج کا حصہ نہ بننے سے متعلق بیان حلفی جمع کرائیں، بیان حلفی کی خلاف ورزی ہوئی تو اسد عمر سیاسی کیریئر بھول جائیں، عدالت نے اسد عمر کو ٹویٹس بھی ڈیلیٹ کرنے کی ہدایت کی
عدالت نے اسد عمر کو رہائی کا حکم سناتے ہوئے ہدایت کی کہ رہا ہونے پر پریس کانفرنس کریں جسٹس گل حسن اورنگزیب نے ریمارکس دیتے ہوئے کہا کہ وہ تو آپ کو نہیں چھوڑیں گے جب تک آپ پریس کانفرنس نہیں کریں گے اس پر اسد عمر کے وکیل بابر اعوان نے کہا کہ پریس کانفرنس تو ہم بالکل نہیں کریں گے ، عدالت نے کہا کہ آپ کی کچھ ٹویٹس ہیں انہیں ڈیلیٹ کریں اور جو بیان حلفی عدالت میں جمع کروا رہے ہیں اگر اس کی خلاف ورزی ہوئی تو سخت نتائج ہوں گے اسد عمر کا سیاسی کیریئر بھی داؤ پر ہو گا
اسد عمر کے وکیل ڈاکٹر بابر اعوان نے کہا کہ سیاست دان ہمیشہ قانون کی پاسداری کرتے ہیں اور قانون پر عمل کرانے کیلئے جدوجہد بھی کرتے ہیں پی ٹی آئی رہنما کی کچھ دیگر مقدمات میں ضمانت کا معاملہ بھی اٹھایا گیا جس پر عدالت نے دونوں جانب سے وکلا کا موقف سننے کے بعد فیصلہ محفوظ کر لیا
آڈیو لیکس جوڈیشل کمیشن نے کارروائی پبلک کرنے کا اعلان کر دیا
سردار تنویر الیاس کی نااہلی ، غفلت ، غیر سنجیدگی اور ناتجربہ کاری کھل کر سامنے آگئی
عمران خان کا مظفر آباد جلسہ،وزیراعظم آزاد کشمیر کی کرسی خطرے میں
،وزیر اعظم آزاد کشمیر کو اگر بلایا نہیں گیا تو انہیں جانا نہیں چاہیے تھا،
تنویر الیاس کے بیٹے کا آزاد کشمیر پولیس و مسلح ملزمان کے ہمراہ سینٹورس پر دھاوا، مقدمہ درج
تنویر الیاس نے سپریم کورٹ میں دائر اپیل میں خود کو” وزیراعظم” لکھ دیا،اپیل خارج
