سابق صدر اشرف غنی کے بھائی کا طالبان کی حمایت کا اعلان

0
49

افغانستان کے سابق صدر اشرف غنی کے بھائی حشمت غنی احمد زئی نے افغان طالبان کی حمایت کا اعلان کیا ہے-

باغی ٹی وی : نجی خبر رساں ادارے جنگ کے مطابق افغان طالبان کی جانب سے حشمت غنی احمد زئی کی طالبان کی حمایت کے اعلان کی ویڈیو جاری کی گئی ہے جس میں طالبان رہنما خلیل الرحمٰن اور دینی عالم مفتی محمود ذاکری اس موقع پر موجود ہیں اور سابق صدر غنی کے بھائی نے اسلامی امارت افغانستان کی مکمل حمایت کی یقین دہانی کرائی-


یاد رہے کہ اس سے قبل حشمت غنی کا ایک بیان سامنے آیا تھا جس میں انہوں نے کہا تھا کہ ان کے بھائی اشرف غنی افغانستان سے فرار کے بعد مشرقِ وسطیٰ کے کسی ملک میں ہیں۔

میڈیا سے بات چیت کے دوران حشمت غنی احمد زئی نے کہا تھا کہ طالبان کے آنے سے اب تک کسی قسم کا جانی نقصان نہیں ہوا، اشرف غنی اور حامد کرزئی کے دورِ اقتدار میں کرپشن عام تھی امید ہے کہ طالبان افغان عوام کو امن دیں گے۔

علاوہ ازیں حشنت غنی نے بتایا تھا کہ طالبان لمحہ بہ لمحہ میری خیریت معلوم کرنے کے لیے کال کر رہے ہیں۔

ملا عبدالغنی برادر کابل پہنچ گئے، ملا عبدالسلام ضعیف نے بھی کیا بڑا اعلان

Leave a reply