اشرف غنی اور ڈاکٹرعبداللہ اپنے اقتدار کو طوالت دینے کیلئے امریکا گئے ہیں ترجمان طالبان کا دعویٰ

طالبان کے ترجمان ذبیح اللہ مجاہد نے دعویٰ کیا ہے کہ اشرف غنی اور ڈاکٹرعبداللہ اپنے اقتدار کو طوالت دینے کیلئے امریکا گئے ہیں –

باغی ٹی وی : افغانستان کے صدر اشرف غنی امریکہ کے دورے پر ہیں جہاں افغانستان کے صدر اشرف غنی کی امریکا کے صدر جوبائیڈن سے ملاقات ہوئی، اس موقع پر چیئرمین مصالحتی کمیشن عبداللّٰہ عبداللّٰہ بھی ساتھ تھے۔

ملاقات میں امریکی انخلا اور اس کے بعد کی صورتحال پر بات چیت ہوئی۔ دونوں افغان لیڈروں کی امریکی وزیردفاع لائیڈ آسٹن سے بھی ملاقات ہوئی افغان صدر امریکی ایوان نمائندگان کی اسپیکر نینسی پلوسی سے بھی ملے۔

جبکہ دوسری جانب اس حوالے سے طالبان کے ترجمان ذبیح اللہ مجاہد نے اپنے بیان میں کہا ہے کہ اشرف غنی اور ڈاکٹر عبداللہ اپنے اقتدار کو طوالت دینے کیلئے امریکا گئے ہیں اور اس سے ہمیں کوئی فرق نہیں پڑتا۔ امریکی افواج کے انخلاء کے باوجود تقریباً 650؍ امریکی فوجی امریکی سفارتخانہ اور سفارتکاروں کی سیکیورٹی کے لئے افغانستان میں موجود رہیں گے-

افغان صدر کی جوبائیڈن سے ملاقات

افغان صدر کی امریکی صدر جوبائیڈن سے ملاقات،کیا ہوئی راز کی بات؟