بالی وڈ اداکار آصف بسرا نے مبینہ طور پر خود کشی کر لی

بولی وڈ اداکار آصف بسرا بھارتی ریاست ہماچل پردیش میں واقع گیسٹ ہاؤس میں مردہ حالت میں پائے گئے ہیں اور ان کی موت کو مبینہ طور پر خودکشی قرار دیا جارہا ہے۔

باغی ٹی وی : ٹائمز آف انڈیا کی رپورٹ نے اپنی رپورٹ میں بھارتی خبر ایجنسی اے این آئی کا حوالہ دیتے ہوئے بتایا کہ ایس ایس پی کانگڑا ویمکت رنجن کے مطابق فلمی اداکار آصف بسرا آج (12 جنوری کی) صبح دھرم شالہ کے ایک گیسٹ ہاؤس میں لٹکے ہوئے پائے گئے تھے۔ فرانزک ٹیم موقع پر پہنچ گئی ہے وقوع کا جائزہ لے رہی ہے جبکہ پولیس اس معاملے کی تفتیش کر رہی ہے-

Film actor Asif Basra was found hanging in a private complex in Dharamshala. Forensic team is at the spot and police is investigating the matter: SSP Kangra Vimukt Ranjan. #HimachalPradesh (Picture credit: Asif Basra's website) pic.twitter.com/nxpWNLi8VU

— ANI (@ANI) November 12, 2020

ایس ایس پی کا کہنا ہے کہ اداکار کی لاش کو پوسٹ مارٹم کے لیے بھیج دیا گیا جو کل کیا جائے گا۔

ایس پی نے مزید کہا کہ اداکار کے پاس سے خودکشی کو کوئی نوٹ نہیں ملا۔

آصف بسرا کی موت کی خبر موصول ہونے پر فلمساز ہنسل مہتا نے اپنے ٹوئٹ میں غم کا اظہار کیا اور لکھا کہ”آصف بصرہ! سچ نہیں ہوسکتا … یہ تو ، بہت افسوسناک ہے۔

What? This is too shocking!! Shot with him just before Lockdown!!! Oh My God!!! https://t.co/alfYTGxChH

— manoj bajpayee (@BajpayeeManoj) November 12, 2020

منوج باجپائی نے ٹوئٹ کیا کہ ‘ یہ انتہائی حیران کن ہے، لاک ڈاؤن سے پہلے ان کے ساتھ شوٹنگ کی تھی۔

53 سالہ آصف بسرا امراوتی میں پیدا ہوئے تھے اور 1989 میں ممبئی آگئے تھےآصف بسرا نے فزکس میں بی ایس سی کی ڈگری حاصل کی تھی اور بطور تھیٹر آرٹس اپنے کیرئیر کا آغاز کیا۔

1998 میں فلم ‘وہ’ کے ساتھ اپنے کیرئیر کا آغاز کیا، انہوں نے ‘بلیک فرائیڈے’، ‘پرزانیا’، ‘آؤٹ سورسڈ’، ‘جب وی میٹ’، ‘ونس اپون آ ٹائم ان ممبئی’، ‘کائی پوچے’،’کرش3’، ‘ایک ولن’، ‘ہچکی’ میں اداکاری کی۔

گزشتہ دہائی میں آصف بسرا لیڈر شپ، کمیونیکیشن اور ٹیم بلڈنگ ایٹ ورک پلیس میں 50 سے زائد ورکشاپس کا حصہ بنے۔

انہیں رواں برس آخری مرتبہ ڈزنی اور ہوٹ اسٹار کی ویب سیریز ‘ہوسٹیجز’ میں کے دوسرے سیزن میں دیکھا گیا تھا جو رواں برس ریلیز ہوئی تھی۔

اداکار آصف بسرا ایمیزون پرائم کی ویب سیریز پاٹال لوک میں میڈیا ہاؤس کے سینئر ایگزیکٹو کے کردار میں دکھائی دیے تھے، جو رواں برس کے اوائل میں ریلیز ہوئی تھی۔

آصف بسرا نے ‘ونس اپون آ ٹائم ان ممبئی’ میں اداکار عمران ہاشمی کے والد کا کردار ادا کیا تھا، انہوں نے نیشنل ایوارڈ یافتہ گجراتی فلم ‘رونگ سائیڈ راجو’ (2016) میں بھی کردار ادا کیا تھا۔

واضح رہے کہ بھارت کی شوبز و ٹی وی انڈسٹری میں دیگر ممالک کے مقابلے اداکاروں کی جانب سے خودکشی کرنے کا رجحان بھی زیادہ پایا جاتا ہے بھارت میں ٹی وی اور شوبز سے وابستہ افراد میں خودکشی کے بڑھتے رجحان کا اندازہ 6 ماہ میں 6 اداکاروں کی خودکشی سے بھی لگایا جا سکتا ہے۔