آصف زرداری سے ملاقات پر پابندی، عدالت نے کیا حکم دیا؟ اہم خبر
باغی ٹی وی کی رپورٹ کے مطابق سابق صدر آصف زرداری سے ملاقات کے لئے پیپلز پارٹی کے رہنما قمرالزمان کائرہ نے عدالت میں درخواست دائر کر دی،لاہور ہائیکورٹ میں دائر درخواست میں کہا گیا ہے کہ آصف علی زرداری بیمار اور اڈیالہ جیل میں قید ہیں ،آصف علی زرداری سے ملاقات کرنا چاہتا ہوں انتظامیہ اجازت نہیں دے رہی، آصف علی زرداری سے اڈیالہ جیل میں ملاقات کی اجازت دی جائے،
آصف زرداری کو کچھ ہوا تو حکومت کو نہیں چھوڑیں گے، پیپلز پارٹی کی دھمکی
جیل سے نکلنے کا بہانہ، سیاسی لیڈر ہوتے ہیں بیمار، باغی ٹی وی کی خصوصی رپورٹ
عدالت نے درخواست پر سیکریٹری داخلہ اور آئی جی جیل خانہ جات سمیت دیگر کو نوٹس جاری کردیے،اور 13 نومبر تک جواب طلب کر لیا.
نواز کے بعد آصف زرداری کے بھی طبی بنیادوں پر عدالت سے رجوع کئے جانے کا امکان
قبل ازیں سینٹ کی قائمہ کمیٹی برائے داخلہ کے چئیرمین اور پیپلز پارٹی کے رہنماء سینٹر رحمان ملک نے کہا ہے کہ سابق صدر آصف علی زرداری و فریال تالپور کو بھی غیرمعمولی بنیاد ہنگامی طور پر ضمانت پر رہا کیا جائے خدانخواستہ آصف علی زرداری کو کچھ ہوجاتا ہے تو ذمہ دار حکومت وقت ہوگی۔ آصف علی زرداری و فریال تالپور انڈر ٹرائل ہیں ان سے سزایافتہ قیدیوں کی طرح سلوک نہ کیا جائے۔انہوں نے کہا مجھے میاں نوازشریف و مریم نواز کی ضمانت کی منظوری پر خوشی ہے ا ور میں انہیں مبارکباد پیش کرتاہوں۔
