شہرہ آفاق ترک ڈرامہ سیریل ارطغرل غازی میں اصلحان خاتون کا کردار ادا کرنے والی ترک اداکارہ گلثوم علی پاکستانی معروف برانڈ ماریہ بی کی ایمبیسیڈر بن گئیں-

باغی ٹی وی : چند روز قبل گلثوم علی نے انسٹاگرام اسٹوری پر شیئر کیے جانے والے پیغام میں کہا تھا ’پاکستان میں موجود میرے تمام دوستوں اور مداحوں میرے پاس آپ سب کے لیے ایک زبردست خبر ہے۔بہت جلد میں آپ کو یہ خبر سناؤں گی انشااللہ۔ ترکی کی طرف سے آپ سب کو ڈھیر سارا پیار۔‘

گلثوم علی نے اس ویڈیو کے ساتھ ’ترک پاکستان دوستی زندہ باد‘ لکھا تھا-

تاہم اب ماریہ بی کے آفیشل انسٹاگرام پیج پر کچھ ویڈیوز شئیر کی گئیں جس سے ظاہر ہوتا ہے کہ وہ ماریہ بی برانڈ کی لان کولیکشن کی برانڈ ایمبیسیڈر ہیں نہ صرف عائزہ خان بلکہ ترکش اداکارہ گلثوم علی بھی برانڈ کی تشہیر کیا حصہ ہیں جس کے لئے عائزہ خان ماریہ بی برانڈ کی ٹیم کے ساتھ ترکی موجود ہیں-

دوسری جانب اداکارہ عائزہ خان نے اپنی انسٹاگرام اسٹوری میں کچھ ویڈیوز اور تصاویر شئیر کی ہیں جس میں وہ ترکی میں موجود ہیں اور ارطغرل غازی میں اصلحان خاتون کا کردار ادا کرنے والی ترکش اداکارہ گلثوم علی کے ساتھ موجود ہیں جبکہ ایک ویڈیو میں دیکھا میں وہ کسی برانڈ کی تشہیر کے لئے فوٹو شوٹ کراتی نظر آ رہی ہیں تاہم انہوں نے یہ نہیں واضح کیا کہ وہ کس برانڈ کی تشہیر کی شوٹنگ کے لئے ترکی میں موجود ہیں-

واضح رہے کہ ارطغرل غازی ڈرامے کے مرکزی کرداروں میں سے ایک کردار اصلحان حاتون کا بھی ہے۔ جو ارطغرل کے قریبی دوست ترگت کی بیوی اور ڈرامے کی دیگر خواتین کی طرح بہت بہادر اور عقلمند خاتون ہیں۔ یہ کردار ترک اداکارہ گلثوم علی نے ادا کیا ہے۔

اصلحان خاتون کی جانب سے پاکستانی مداحوں کے لئے خوشخبری