کورونا وائرس کی عالمی وبا کے باعث دنیا بھر میں سنیماز بند ہونے اور کنسرٹس نہ ہونے کی وجہ سے انٹرٹینمنٹ انڈسٹری کافی زیادہ متاثر ہوئی ہے کچھ ممالک میں کورونا وائرس کی دوسری لہر سے پہلے پابندیوں میں نرمی کے بعد کنسرٹس ہوئے تھے-
باغی ٹی وی : کورونا کی دوسری لہر کی وجہ سے پھر چند ممالک میں لاک ڈاؤن ہو گیا تھا تاہم لاک ڈاؤن میں نرمی کی وجہ سے ابھی تک کاروباری اور شوبز سرگرمیاں کورونا کی احتیاطی تدابیر اختیار کرتے ہوئے جاری ہیں –
جن میں سے ایک خبر یہ بھی ہے کہ پاکستان کے نامور گلوکار عاطف اسلم آئندہ برس 2021 میں دبئی میں ایک میوزک کنسرٹ کریں گے۔
جو 2020 میں کورونا کی وبا کے بعد دبئی میں ہونے والا شاید پہلا کنسرٹ ہوگا جہاں اس مرض کا پھیلاؤ روکنے کے لیے سخت پابندیاں نافذ کی گئی تھیں۔
گلف نیوز کی رپورٹ کے مطابق گلوکار عاطف اسلم 15 جنوری کو دبئی ورلڈ ٹریڈ سینٹر میں ہونے والے دبئی شاپنگ فیسٹیول میں کنسرٹ کریں گےعالمی وبا کے باوجود ہونے والا یہ کنسرٹ دبئی ورلڈ ٹریڈ سینٹر کے شیخ رشید ہال میں ہوگا۔
اس میوزک کنسرٹ کا اہتمام بلیو بلڈ کی جانب سے کیا جارہا ہے جس کیسی ای او شائستہ خان نے ایک بیان میں تصدیق کی کہ لائیو ایونٹ میں تمام ہدایات پر عمل کیا جائے گا۔
فلم ’گھبرانا نہیں ہے‘ کی شوٹنگ کورونا کی دوسری لہر کے باوجود سخت احتیاطی تدابیر…
بیان میں کہا گہا کہ کنسرٹ میں دبئی حکومت کی ہدایات کے ساتھ کورونا وائرس سے متعلق عالمی ادارہ صحت (ڈبلیو ایچ او) کی تجاویز پر بھی عمل کیا جائے گا-
مزید کہا گیا کہ ‘ہم سینیٹائزنگ، درجہ حرارت چیک کرنے اور سماجی فاصلے سمیت کورونا وائرس کے پھیلاؤ پر قابو پانے کے لیے صحت و تحفظ سے متعلق تمام ہدایات پر عملدرآمد کو یقینی بنائیں گے’۔
یہ کنسرٹ جہاں منعقد ہوگا اس ہال میں 4 ہزار 400 افراد کی جگہ موجود ہے جسے کم کرکے صرف 1400 افراد کو آنے کی اجازت دی جائے گی اس کے ساتھ ہی کنسرٹ میں موجود شرکا اور عملے کے تمام افراد کے درمیان سماجی فاصلے کو برقرار رکھا جائے گا۔
