عاطف اسلم کا نیا گانا "دل جلا نےکی بات” ریلیز ہوتے ہی انٹر نیٹ پر مقبول ہوگیا۔
باغیٹی وی : عاطف اسلم کا نیا گانا "دل جلا نےکی بات” ریلیز ہوتے ہی مقبول ہوگیا گانے کی مقبولیت کا اندازہ اس بات سے لگایا جا سکتا ہے کہ یوٹیوب پر اس گانے کو ایک دن میں تقریباً 10لاکھ 71 ہزار سے زائد بار دیکھا جاچکا ہے۔
گانے میں عاطف اسلم نے اپنی آواز کا جادو جگایا ہے۔ موسیقی سعد سلطان نے دی ہے اورگانے کی ہدایات ڈیوڈ زینی نے دی ہے۔
یوٹیوب پر عاطف اسلم کے گانے کو بے حد پسند کیا جارہا ہے اور لوگ انہیں "کنگ آف میوزک انڈسٹری” اور لیجنڈ قرار دے رہے ہیں۔ صارفین کا کہنا ہے کہ نصرت فتح علی خان اپنے دور کے ہیرو تھے لیکن عاطف اسلم اس دور کے ہیرو ہیں-
عاطف اسلم کے بھارتی مداحوں میں بھی گانا بہت مقبول ہورہا ہے اور بھارت سے بھی ان کے نئے گانے پر لوگ تبصرے کرتے ہوئے کہہ رہے ہیں کہ ہمیں بالی ووڈ میں عاطف اسلم کی کمی محسوس ہورہی ہے۔
