کراچی کے علاقے لیاقت آباد میں تین ہٹی کےقریب جھگیوں میں صبح سویرے آگ بھڑک اٹھی 35 سے زائد جھگیاں جل کر راکھ ہو گئیں-
باغی ٹی وی : تفصیلات کے مطابق تین ہٹی کے قریب جھگیوں میں لگنے والی آگ پر قابو پا لیا گیا فائر بریگیڈ حکام کے مطابق فائر بریگیڈ کی 6 گاڑیوں نے آگ بجھانے کے لیے کارروائیوں میں حصہ لیا۔
https://twitter.com/humnewspakistan/status/1461925786009571333?s=20
فائر بریگیڈ حکام کے مطابق آگ کوبجھا دیا گیا ہے اور کولنگ کا عمل جاری ہے آگ لگنے کے باعث 35سےزائدجھگیاں جل کر راکھ ہو گئیں ، تاہم کوئی جانی نقصان نہیں ہوا فی الحال آگ لگنے کی وجوہات کا تعین نہیں ہو سکا۔
یاد رہے کہ گزشتہ سال بھی اسی کچی آبادی میں جھگیوں میں آگ لگی تھی جس سے تقریباً 200 جھگیاں جل کر راکھ ہو گئیں تھیں۔
میڈیا رپورٹس کے مطابق کراچی میں یومیہ آگ لگنے کے اوسطاً چھ واقعات رپورٹ ہونے لگے ہیں-
https://twitter.com/humnewspakistan/status/1461919460671954949?s=20
https://twitter.com/humnewspakistan/status/1461911698344800256?s=20
واضح رہے کہ اس سے قبل کورنگی انڈسٹریل ایریا کے علاقے مہران ٹاؤن سیکٹر 15 پیلا اسکول شیطان چوک کے قریب نیشنل آئل ریفائنری کی زیر زمین لائن میں کام کے دوران خوفناک دھماکے کے بعد آگ بھڑک اٹھی تھی، دھماکے اور آگ لگنے سے کام کرنیوالے 4 مزدوروں سمیت 6 افراد جھلس کر زخمی ہوگئے تھے-
کراچی:نیشنل آئل ریفائنری کی زیر زمین لائن میں خوفناک دھماکہ،آتشزدگی میں 6 افراد…
دوسری جانب گزشتہ روز راولپنڈی میں گھر میں گیس لیکج سے دھماکے سے ایک خاتون اپنے دو کمسن بچوں سمیت جھلس کر جاں بحق ہوگئی پولیس کا کہنا تھا کہ خاتون کا شوہر ریلوے میں ملازم ہے اوراس کی پوسٹنگ ملتان میں ہے۔راولپنڈی کے علاقے مظہر آباد میں ریلوے ورک شاپ کے قریب گھر میں گیس لیکج کی وجہ سے دھماکہ ہوا۔
ریسکیو 1122 کےمطابق کمرے میں گیس پہلےسےہی لیک ہوئی تھی،سوئچ آن کرنےپر ایک دم دھماکہ ہوا جس کے بعد آگ نے پورے گھر کو لپیٹ میں لے لیا۔دھماکےکی وجہ سےنادیہ نامی خاتون اپنےدو کمسن بچوں ڈیڑھ سالہ حسن رضااورتین سالہ احمد رضاکےساتھ آگ میں جھلس کر جاں بحق ہوگئی۔میتوں کو ڈی ایچ کیو راولپنڈی ہسپتال منتقل کردیا گیا ہے۔
