کراچی:نیشنل آئل ریفائنری کی زیر زمین لائن میں خوفناک دھماکہ،آتشزدگی میں 6 افراد جھلس گئے

0
108

کورنگی انڈسٹریل ایریا مہران ٹاؤن کے قریب نیشنل آئل ریفائنری کی زیر زمین لائن میں کام کے دوران خوفناک دھماکے کے بعد آگ بھڑک اٹھی-

باغی ٹی وی : تفصیلات کے مطابق کورنگی انڈسٹریل ایریا کے علاقے مہران ٹاؤن سیکٹر 15 پیلا اسکول شیطان چوک کے قریب نیشنل آئل ریفائنری کی زیر زمین لائن میں کام کے دوران خوفناک دھماکے کے بعد آگ بھڑک اٹھی، دھماکے اور آگ لگنے سے کام کرنیوالے 4 مزدوروں سمیت 6 افراد جھلس کر زخمی ہوگئے۔

چکوال میں دہشت گردی کا بڑا منصوبہ ناکام، لاہور بھی تباہی سے بچ گیا

آگ لگنے کی اطلاع پر چھیپا فاؤنڈیشن کی ایمبولینسیں فوری طور پر موقع پر پہنچ گئیں اور مکینوں کی مدد سے 6 افراد کو ریسکیو کر کے اسپتال منتقل کیا، آگ لگنے کی اطلاع ملنے پر علاقہ پولیس ، فائربریگیڈ اور رینجرز بھی موقع پر پہنچ گئی۔

بلوچستان:کوئلے کی کان میں دھماکہ ،4 کان کن پھنس گئے

عینی شاہدین کے مطابق رات تقریباً3بجے کے قریب شاول کے ذریعے کھدائی شروع کی گئی ایک چنگاری نکلی اور زور دار دھماکا ہوا اور آگ لگ گئی ، لائن میں کام کرنیوالے4مزدور، ایک سیکیورٹی گارڈ اور ایک علاقہ مکین دھماکے سے دور جا گرے ان کے جسموں پر آگ لگی ہوئی تھی زخمیوں کی شناخت 30سالہ عزیز اللہ ولد امان اللہ ، 38 سالہ شفیع اللہ ولد عالم کان ، 45 سالہ مگر خان ولد عمر گل اور 30 سالہ طفیل ولد رمضان کے نام سے کی گئی۔

سکول میں آگ لگنے سے 26 بچے ہلاک ،4 کی حالت تشویشناک

ترجمان فائربریگیڈ کے مطابق کے ایم سے کے 2 فائرٹینڈر اور نیشنل آئل ریفائنری کے فائر ٹینڈر کی مدد سے ایک گھنٹے کی جدوجہد کے بعد آگ پر قابو پالیا گیا آتش زدگی کے نتیجے میں ایک سوزوکی ہائی روف اور ایک شاول جل گئے جبکہ قریبی موجو4 کچے مکانات میں رکھا سامان مکمل طور پر جل گیا۔

ضلع باجوڑ :راغگان ڈیم کے نزدیک ریموٹ کنٹرول بم دھماکہ،2 پولیس اہلکار جاں بحق

اس سے قبل بلوچستان کے ضلع دکی میں واقع کوئلے کی کان میں زہریلی گیس بھرنے سے دھماکا ہوا تھا کان میں دھماکے کے باعث راستہ بند ہو گیا اور 4 کان کن اندر پھنس گئے ریسکیو ذرائع کے مطابق کان میں پھنسے ہوئے 3 کان کنوں کو نکال لیا گیا ہے جبکہ 1 تاحال کان میں پھنسا ہوا ہے جسے نکالنے کے لیے ریسکیو آپریشن جاری ہے نکالے گئے کان کن کو اسپتال منتقل کر دیا گیا ہے جہاں انہیں طبی امداد دی جا رہی ہے ریسکیو آپریشن کے دوران 4 مزید کان کن بے ہوش ہو گئے تھے جنہیں اسپتال منتقل کر دیا گیا ہے۔

Leave a reply