دمشق (اے پی پی) شام میں ترک باغیوں کے قافلے پر فضائی حملہ کردیا گیا جس کے نتیجے میں 3شہری جاں بحق ہوگئے.
تفصیلات کے مطابق ترکی نے الزام لگایا ہے کہ شام کے شمالی شہر میں ترک قافلے پر شامی فوج کے فضائی حملے میں 3 شہری جاں بحق ہو گئے ہیں۔ ترکی کی وزارت دفاع نے شامی حکومت پر الزام عائد کرتے ہوئے کہا ہے کہ شامی حکومت نے شمالی شہر میں ترک باغیوں کے قافلے پر فضائی حملہ کیا ہے۔ ناروے کی مہاجرین کونسل کے جان ایگلینڈ نے بتایا کہ یہ ایک خوفناک خواب ہے جو سچ ہونے جارہا ہے جہاں سے اب 3 ملین شہریوں کے بھاگنے کا کوئی راستہ نہیں ہے لیکن ادلب اور ملحقہ شمالی شہر میں خوفناک حملوں سے لاکھوں بچے فائرنگ کا نشانہ بنتے ہوئےدکھائی دے رہے ہیں۔
واضح رہے کہ ادلب میں اپریل سے شامی حکومت اور ترک باغیوں کے مابین جھڑپوں میں سینکڑوں شہری جاں بحق ہو چکے ہیں اور اگر یہی صورتحال برقرار رہی تو اموات کی شرح میں اضافے کا خدشہ ہے۔
