میرے پاس کشمیر مسئلے کا حل ہے ، خورشید قصوری نے دعویٰ کردیا

0
38

لاہور : میرے پاس مسئلہ کشمیر کا بہترین حل ہے ، اس حل کا دعویٰ کرتے ہیں سابق وزیرخارجہ خورشید محمود قصوری ، خورشید محمود قصوری نے دوٹوک الفاظ میں مسئلہ کشمیر کا بتاتے ہوئے کہا ہے کہ مسئلہ کشمیر بھارت یا پاکستان نہیں بلکہ خود کشمیری حل کروا سکتے ہیں، ملک میں تمام سیاسی، سماجی اور مذہبی اختلافات بھلا کر قومی ہم آہنگی کی اشد ضرورت ہے۔

لاہور پریس کلب میں گفتگو کرتے ہوئے کہا کہ مسئلہ کشمیر پر سلامتی کونسل کا اجلاس بھارت کی ناکامی اور پاکستان کی جیت قرار دیدیا، خورشید محمود قصوری کا کہنا تھا کہ اقوام متحدہ کے اجلاس میں چار ملکوں نے بلواسطہ اور بلاواسطہ کشمیریوں کی حمایت کی۔

پریس کلب میں گفتگو کرتے ہوئے سابق وزیرخارجہ اور جنوبی ایشیا کے امور کے ماہر تھنک ٹینک خورشید محمود قصوری کا کہنا تھا کہ جنگوں سے مسئلے حل نہیں ہوتے، مذاکرات اور کشمیریوں کی مرضی کے مطابق ہی کشمیر کا مسئلہ حل ہو سکتا ہے، سیاسی جماعتوں کو سیاست کے بجائے متحدہو کر اپنا کلیدی کردارادا کرنا ہوگا۔

ذرائع کے مطابق خورشید محمود قصوری کا کہنا تھا کہ مودی کا کشمیرپرغاصبانہ قبضے کی کوشش بھارتی خودکش حملہ ثابت ہوگی اور راج ناتھ کی ایٹمی دھماکے کی دھمکی پر دنیا کو نوٹس لینا چاہئیے اگر حالات خراب ہوئے تو اس سے پوری دنیا متاثر ہو گی۔انہوں نے مزید کہا کہ بھارت کے مقابلے میں ملی یکجہتی بہت ضروری ہے

Leave a reply