ورلڈکپ 2023 : آسٹریلیا کا بھارت کیخلاف ٹاس جیت کر بیٹنگ کا فیصلہ

چنئی: آئی سی سی ورلڈکپ 2023 کے پانچویں میچ میں آسٹریلیا نے بھارت کے خلاف ٹاس جیت کر پہلے بیٹنگ کا فیصلہ کیا ہے۔

باغی ٹی وی:ورلڈکپ کے پانچویں میچ میں آسٹریلیا کی بھارت کے خلاف بیٹنگ جاری ہے آسٹریلیا نے بھارت کے خلاف 8 وکٹوں کے نقصان پر 44 اوورز میں 168 رنز بنالیے جسپریت بمراہ نے مچیل مارش کو صفر پر پویلین لوٹایا، جب کہ کلدیپ یادیو نے ڈیوڈ وارنر کو 41 رنز پر آؤٹ کیا ،اسٹیو اسمتھ 46، مارنوس لیبوشین 27، ایلکس کیری صفر پر آؤٹ ہوئےبھارت کی جانب سے ابھی تک روندرا جڈیجا نے سب سے زیادہ 3 وکٹیں حاصل کیں-

آسٹریلوی کپتان پیٹ کمنز نے ٹاس جیت کر میزبان ٹیم کو بولنگ کی دعوت دی، یہ میچ چنئی میں کھیلا جارہا ہے، ٹاس کے موقع پر گفتگو کرتے ہوئے بھارت کے کپتان روہت شرما نے کہا کہ یہاں کی کنڈیشنز بولرز کے لیے سازگار لگ رہی ہیں، جبکہ پیٹ کمنز نے اس حوالے سے کہا کہ ہماری ٹیم متوازن ہے ، ہم تازہ دم ہیں اور اچھی پوزیشن میں ہیں میچ سے قبل کھلاڑیوں کو تیاریوں کے لیے کافی وقت ملا ہے ۔

دوسری جانب آج کے میچ میں بارش کا بھی امکان ہے، چنئی میں گزشتہ شام موسلا دھار بارش ہوئی تھی، شہر میں گزشتہ ایک ہفتے سے موسم میں خاصی تبدیلی آئی ہے، آج میچ کے روز بادل چھائے رہیں گے،بھارتی میڈیا کے مطابق محکمہ موسمیات کی جانب سے مسلسل بارش کی پیشگوئی نہیں کی گئی، چنئی کے موسم پر بھروسہ نہیں کیا جا سکتا، مختلف اوقات میں بارش کا امکان بھی رد نہیں کیا جا سکتا۔

ورلڈ کپ 2023: آج آسٹریلیا اور بھارت کے میچ کے دوران بارش کا …

کیوی کپتان کین ولیمسن انجری سے صحتیاب ہو رہے ہیں، تیسرے میچ کے لیے دستیاب …

شکاگو میں ایک ہی دن ایک ہی عمارت سے ٹکرانے سے ایک ہزار پرندے …