اہور: پنجاب کے چیف سیکرٹری جواد رفیق ملک کا کہنا ہے کہ آوارہ کتوں کو مارنےکی بجائے انہیں بانجھ بنایا جائےگا کسی جاندار کو مارنا ظالمانہ فعل ہے جس کی ہمارے مذہب میں بھی ممانعت ہے۔
باغی ٹی وی :رپورٹ کے مطابق جواد رفیق ملک کا کہنا ہے کہ نہ صرف آوارہ کتوں کو مارنےکی بجائے انہیں بانجھ بنایا جائےگا بلکہ آوارہ کتوں کو تربیت دے کر سکیورٹی اور سراغ رسانی کیلئے فروخت بھی کیا جاسکے گا۔
لاہور میں ایک اجلاس کی صدارت کرتےہوئے چیف سیکرٹری نے کہا کہ آوارہ کتوں سے متعلق نئی پالیسی تمام اسٹیک ہولڈرز کی مشاورت سے تیار کی گئی ہے-
انہوں نے کہا کہ اس کی منظوری کابینہ سے لی جائے گی، آوارہ کتوں کی نسل روکنے کیلئےمارنے کی بجائے متبادل طریقے اختیار کیے جائیں گے۔
اجلاس میں بتایا گیا کہ آوارہ کتوں کوریبیزویکسین لگانےکیلئے7 کروڑ 40 لاکھ روپے جاری کردیے گئے ہیں۔
