بوگس چیک دینے کے مقدمہ میں نامزد اداکارہ عائشہ ثنا کے خلاف انٹر پول سے رابطہ کرنے کا فیصلہ

لاہور: بوگس چیک دینے کے مقدمہ میں نامزد اداکارہ عائشہ ثنا کے خلاف علی معین نے انٹر پول سے رابطہ کرنے کا فیصلہ کیا ہے-

باغی ٹی وی : عائشہ ثنا نے رئیل اسٹیٹ بزنس سے وابستہ میاں محمد علی معین سے ایک کروڑ 75 لاکھ روپے ادھار لئے تھے جس کے عوض اداکارہ نے انہیں ایڈوانس چیک دیئے تھے لیکن ان کا دیا ہوا 2لاکھ روپے کا پہلا ہی ڈس آنر ہوگیا تھا-

جس پر علی معین نے عائشہ ثنا کے خلاف گذشتہ ماہ27 مئی کولاہور ڈیفنس بی پولیس اسٹیشن میں مقدمہ درج کرایا تھا تاہم اداکارہ پولیس کے سامنے پیش نہیں ہوئیں جس پر ان کے ناقابل ضمانت وارنٹ گرفتاری جاری کرتے ہوئے انہیں گرفتار کرکے پیش کرنے کا حکم دے دیا تھا ذرائع کے مطابق عائشہ ثنا خاموشی سے بیرون ملک جاچکی ہیں ۔

جس پر علی معین نے انٹرپول سے رابطہ کرنے کا فیصلہ کیا ہے جب کہ دوسری طرف علی معین نے عائشہ ثنا کو اشتہاری قرار دلانے کے لئے بھی کوششیں شروع کردی ہیں اور اس سلسلہ میں فیصلہ بہت جلد سامنے آجائیگا۔

معروف اداکارہ عائشہ ثنا گرفتار ہو سکتی ہیں؟ سنئے مبشر لقمان کی زبانی اہم انکشافات

لاہور کی مقامی عدالت کی طرف سے عائشہ ثنا کے وارنٹ گرفتاری جاری