پاکستان ٹی وی انڈسٹری کی خوبرو اداکارہ اور ماڈل عائزہ خان کے بارے میں خیال کیا جا رہا ے کہ وہ ترکش پراجیکٹ کا حصہ بننے جارہی ہیں۔

باغی ٹی وی : چند دن قبل اداکارہ نے انسٹا گرام پرایک پوسٹ شیئر کی اورلکھا کہ کچھ بہت دلچسپ آنے والا ہے۔

انہوں نے کہا تھا کہ پراجیکٹ کی تفصیلات سے آگاہ رہنے کے لیے میرے ساتھ رہیں-

عائزہ خان کی انسٹا اسٹوری دیکھنے کے بعد اُن کے مداح یہ جاننے کے لیے بےچین ہورہے ہیں کہ آخر وہ اصل میں کونسا پراجیکٹ کرنے والی ہیں۔

کچھ لوگ قیاس آرائیاں کررہے ہیں کہ عائزہ خان کسی ترکی ڈرامہ سیریل میں کام کرنے جا رہی ہیں جبکہ بعض کا کہنا تھا کہ وہ ترک لالہ پروجیکٹ کا حصہ بننے جا رہی ہیں تاہم اداکارہ کی جانب سے ابھی تک اس حوالے سے کوئی بیان سامنے نہیں آیا ہے۔

گزشتہ دنوں سماجی رابطے کی ویب سائٹ انسٹاگرام پر سب سے زیادہ فالوورز کا اعزاز حاصل کرنے والی اداکارہ نے بے حد خوشی کا اظہارکرتے ہوئے کہا تھا کہ یہ سب مداحوں کی محبت کا نتیجہ ہے لیکن انہوں نے کوئی تفصیل نہیں بتائی-

تاہم اب اداکارہ عائزہ خان نے اپنی انسٹاگرام اسٹوری میں کچھ ویڈیوز اور تصاویر شئیر کی ہیں جس میں وہ ترکی میں موجود ہیں اور ارطغرل غازی میں اصلحان خاتون کا کردار ادا کرنے والی ترکش اداکارہ گلثوم علی کے ساتھ موجود ہیں جبکہ ایک ویڈیو میں دیکھا میں وہ کسی برانڈ کی تشہیر کے لئے فوٹو شوٹ کراتی نظر آ رہی ہیں تاہم انہوں نے یہ نہیں واضح کیا کہ وہ کس برانڈ کی تشہیر کی شوٹنگ کے لئے ترکی میں موجود ہیں-



انسٹاگرام پوسٹ میں عائزہ خان نے گلثوم علی کے ساتھ ایک تصویر شئیر کی اور کیپشن میں دل والا ایمو جی اس کے ردعمل میں ترکش اداکارہ گلثوم علی نے عائزہ خان کو خوبصورت قرار دیا جبکہ پاکستانی اداکارہ ژالے سرحدی نے عائزہ خان کے لئے نیک تمناؤں کا اظہار کیا-

دوسری جانب ماریہ بی کے آفیشل انسٹاگرام پیج پر کچھ ویڈیوز شئیر کی گئیں جس سے ظاہر ہوتا ہے کہ وہ ماریہ بی برانڈ کی لان کولیکشن کی برانڈ ایمبیسیڈر ہیں نہ صرف عائزہ خان بلکہ ترکش اداکارہ گلثوم علی بھی برانڈ کی تشہیر کیا حصہ ہیں جس کے لئے عائزہ خان ماریہ بی برانڈ کی ٹیم کے ساتھ ترکی موجود ہیں اور اپنے اس نئے پروجیکٹ کے لئے انتہائی پرجوش اور خوش دکھائی دے رہی ہیں-

حلیمہ خاتون کے بعد اصلحان خاتون بھی پاکستانی معروف برانڈ کی ایمبیسیڈر مقرر

عائزہ خان کسی ترکش پروجیکٹ کا حصہ بننے والی ہیں؟

اصلحان خاتون کی جانب سے پاکستانی مداحوں کے لئے خوشخبری

سوشل میڈیا پرفالوورز کی بڑھتی ہوئی تعداد طویل مدتی کامیابی کی ضمانت نہیں