ایان علی کی لمبے عرصے بعد سوشل میڈیا پر واپسی

پاکستان شوبز انڈسٹری کی مشہور سپر ماڈل و گلوکارہ ایان علی نے اعلان کیا ہے کہ ان کا نیا البم جلد ہی سامنے آئے گا

باغی ٹی وی :منی لانڈرنگ کیس میں ضمانت پر رہا ہونے والی ایان علی گذشتہ چار برسوں سے بیرون ملک مقیم ہیں ا ور اب سوشل میڈیا پر بھی لمبے عرصے کے بعد واپس آئی ہیں گلوکارہ نے سماجی رابطے کی ویب سائٹ انسٹاگرام پر اپنی ایک تصویر شیئر کی
https://www.instagram.com/p/B9JhnF0J6qk/?igshid=1ktui7446kigq
اس تصویر کے کیپشن میں اپنے 5 سال قبل ریلیز کے گئے گانےارتھ کوئککے حوالے سے مداحوں کو آگاہ کرتے ہوئے لکھا کہ مجھے یہ بتاتے ہوئے خوشی ہورہی ہے کہ میرا 5 سال قبل ریلیز کیا گیا گانا آج بھی لوگوں میں بے حد مقبول ہے اس گانے کے ساؤنڈ کلاؤڈ پر 30 ملین سے زائد اور یوٹیوب پر 15 ملین سےزائد ویوز ہیں

ایان علی نے 2009 سے لے کر اب تک مداحوں کی جانب سے بھیجے جانے والے مثبت پیغامات پر ان کا شکریہ ادا کیا اور لکھا کہ آپ لوگوں نے مجھے بہت پیار دیا اور میری دعا ہے کہ یہ پیار ہر گزرتے دن کے ساتھ اسی طرح بڑھتا رہے

ایان علی نے اپنے پراجیکٹس کے حوالے سے بھی لکھا کہ میں آج کل بہت ساری چیزوں پر کام کررہی ہوں جو بہت جلد منظر عام پر آئیں گی
https://www.instagram.com/p/B9RWp6ipP-e/?igshid=cixsd5senfsx
یاد رہے اس سے قبل ایان علی نے سوشل میڈیا انسٹا گرام پر آخری پوسٹ دوسال قبل 2018 میں کی تھی
https://www.instagram.com/p/Bo_QNtqgXNm/?igshid=1eelsk637msuq
واضح رہے کہ ایان علی کو 14 مارچ 2015 کو اسلام آباد بے نظیر انٹرنیشنل ایئرپورٹ سے 5 لاکھ سے زائد ڈالرز دبئی اسمگل کرتےہوئے گرفتار کیاگیا تھا بعد ازاں عدالت نے انہیں ضمانت پر رہاکیا جس کے بعد وہ بیرون ملک چلی گئیں 2 سال تک ایان علی عدالت میں پیش ہوتی رہیں تاہم 2017 میں بیرون ملک جانے کے بعد سے وہ عدالت کی سماعتوں میں غیر حاضر رہیں جس کے باعث انہیں کو اشتہاری قرار دیا جا چکا ہے اور ان کا اپارٹمنٹ بھی ضبط کیا جا چکا ہے