آزاد کشمیر حکومت کی 10 دن کے لیے سیاحت پر مکمل پابندی عائد:مگرمریم نواز پر نہیں
مطفرآباد:کورونا کے بڑھتے کیسز اور وبا کی نئی لہر کے پیش نظر آزاد کشمیر حکومت نے 10 دن کے لیے سیاحت پر پابندی عائد کر دی۔یہ پابندی غریب عوام کے لیے تو موثرلگتی ہے لیکن مریم نواز جو کہ الیکشن کے نام پرپوری پارٹی قیادت کےساتھ آزادکشمیر میں سیروسیاحت کےلیے مارے مار پھررہےہیں ، یہ پابندی ان کے لیے نہیں ؟
ادھر اس حوالے سے معلوم ہو اہے کہ محکمہ داخلہ آزادکشمیر نے آئندہ ہفتے سے سیاحتی سرگرمیوں پر پابندی عائد کرتے ہوئے متعلق اداروں کو فیصلے سے آگاہ کر دیا ہے۔
محکمہ داخلہ کے مطابق آزادکشمیر میں سیاحت پر پابندی 19 تا 29 جولائی ہو گی اور اس دوران تمام سیاحتی مقامات بند رہیں گے۔محکمہ داخلہ کا کہنا ہے کہ کورونا کےباعث آزادکشمیر میں سیاحتی سرگرمیاں 10دن کےلیےمعطل رہیں گی۔
واضح رہے کہ 25 جولائی کو ہونے والے آزادکشمیر قانون ساز اسمبلی انتخابات کے سلسلے میں سیاسی جماعتوں کی بھرپور عوامی مہم جاری ہے اور یومیہ بنیادوں پر بڑے بڑے جلسے اور انتخابی سرگرمیاں کی جارہی ہیں۔
