بھیرہ لینڈ سب ڈویژن بھیرہ میں غیر قانونی طور پر بنائے گئے ٹاؤنز،کمرشل و رہائشی سوسائٹیوں سے متعلق محکمہ انٹی کرپشن میں جاری انکوائری کے بعد چیف آفیسر میونسپل کمیٹی بھیرہ نے 14ہاؤسنگ سکیمز کو غیر قانونی قرار دے کر ان کی رجسٹریشن، انتقال اور فرد کے اجراء پر پابندی کے لئے سب رجسٹرار بھیرہ کو مراسلہ جاری کر دیا ہے۔ تحریک انصاف تحصیل بھیرہ کے جنرل سیکرٹری چوہدری خالد محمود ارائیں اور سیکرٹری ممبرسازی چوہدری محمد اسحاق آرائیں نے محکمہ انٹی کرپشن سرگودھا کو دی گئی درخواستوں میں بتایا کہ قبضہ گروپ سرکاری متروکہ اور غیر متروکہ اراضی کو شامل کر کے غیر قانونی طور پر ٹاؤنز،رہائشی و کمرشل سوسائیٹیاں بنا کر غریب عوام کو دونوں ہاتھوں سے لوٹ رہے ہیں اور محکمہ مال کی ملی بھگت سے بنائی جانے والی ان سوسائٹیوں میں مسجد،سیوریج، بجلی،سوئی گیس اور دیگر سہولیات کا کوئی انتظام نہیں اور نہ ہی قبضہ گروپوں نے کوئی این او سی حاصل کیا ہوا ہے۔ درخواست میں کہا گیا ہے کہ محکمہ مال کمرشل اراضی کو زرعی ظاہر کر کے ٹیکسوں کی مد میں حکومت کو اب تک کروڑوں روپے کا نقصان پہنچا چکا ہے۔ میونسپل حکام نے اینٹی کرپشن سرگودھا میں ریکارڈ پیش کرنے کے بعد 14 ٹاؤنز، سوسائٹیوں کو غیر قانونی قرار دے دیا ہے۔ جس پر سب رجسٹرار نے محکمہ مال کے متعلقہ حکام کو ہدایت دی ہے کہ وہ ان ٹاؤنز وغیرہ کے فرد جاری نہ کریں۔
ب
بھیرہ لینڈ سب ڈویژن بھیرہ میں غیر قانونی طور پر بنائے گئے ٹاؤنز،کمرشل و رہائشی سوسائٹیوں
Shares:
