باپ کی شان تحریر: محمداحمد

ہمارے معاشرے میں باپ کی شان کے بارے میں بہت کم لکھا اور سُنا جاتا ہے لیکن باپ اُس درخت کی جڑ ہوتا ہے جس درخت کی جڑ کاٹنے سے کبھی درخت ہَرا بَرا نہیں رہتا اسی طرح ہم جانتے ہیں قرآن کریم کی تعلیم سے ہمیں پتا چلتا ہے کہ ماں کے قدموں تلے جنت ہے لیکن باپ جنت کا دروازہ ہے

آج کل لوگ والدین کے حقوق بھول گے ہیں اُن کے لئے ان کی اپنی اولاد بہت عزیز ہوتی ہے لیکن یہ بھی یاد رکھنا چاہیے وہ بھی کسی کی اولاد ہیں اپنی اولاد کا دُکھ نا دیکھنے والے کس حق سے اپنے ماں باپ کو اولڈ ایج ہوم اور دُکھوں کی گھڑی میں اکیلا چھوڑ دیتے ہیں

ماں باپ اللہ تعالیٰ کی وہ رحمت ہیں جن کو پیار سے دیکھنے سے مقبول حج کا ثواب ملتا ہے ماں باپ ہمیشہ اپنی اولاد کی خوشی کیلئے ہر ضرورت پوری کرتے ہیں اُن کی اچھی تربیت کرتے ہیں وہی اولاد جب بڑی ہو جاتی یے اپنا کمانے لگ جاتی ہے اُس وقت جب باپ کی آنکھیں دُھندلی ہو جاتی ہیں تو انہیں قطرہ بھر روشنی دینے سے کیوں کَتراتے ہیں کیا والدین اولاد اِس دن کےلئے مانگتا ہے لیکن اولاد بھول جاتی ہے کہ وہ والدین جو ایک بچہ نا بول سکتا ہے نہ سُن سکتا ہے اُس کو انگلی پکڑ کر چلنا سیکھا سکتے ہیں وہ والدین اپنا آپ بھی سنبھال سکتے ہیں جس خالقِ کائنات نے پیدا کیا ہے وہی سب کو پالتا ہے لیکن والدین کی آہ یا بد دعا عرش ہلا دیتی ہے

ماں باپ کی ایک عادت اللہ تعالیٰ سے ملتی ہے دونوں ہی معاف کر دیتے ہیں دنیا کی ساری خوشبو مل کر بھی والدین سے آنے والی خوشبو نہیں بن سکتی ۔ خدارا والدین کے ساتھ حسنِ سلوک سے پیش آئیں اور ہمیشہ یاد رکھیں آپ بھی کسی کی اولاد ہیں جیسے آپ کی اولاد عزیز ہے ویسے آپ بھی عزیز ہیں سب سے دلی
گزارش ہے اپنے والد کی قدر کیا کریں جو اپنی ضرورتیں اور آپ سب کی خواہشات پوری کرنے کیلئے دن رات ایک کر دیتے ہیں اللہ تعالیٰ سب کو والدین کو صحت تندرستی عطا فرمائے اور جن کے وفات پا گے ہیں ان کے والدین کو جنت الفردوس میں اعلیٰ مقام عطا فرمائے اور گھر والوں کو صبر جمیل عطا فرمائے آمین
@JingoAlpha