کرائسسٹ چرچ: قومی کرکٹ ٹیم کے کپتان بابراعظم نے انٹرنیشنل کرکٹ میں تیز ترین 11 ہزار رنز مکمل کرنے والے ایشین بلےباز ہونے کا نیا ریکارڈ اپنے نام کرلیا۔
27 سالہ کپتان بابراعظم نے 251 ویں ان نگز میں یہ سنگ میل عبور کیا اور سابق بھارتی کپتان ویرات کوہلی کو پیچھے چھوڑ دیا، بھارتی بیٹر کو اس اعزاز تک پہنچنے میں 261 اننگز صَرف کی تھیں۔سابق بھارتی کرکٹر سنیل گواسکر نے یہی کارنامہ 262 اننگز جبکہ جاوید میانداد نے 266 اننگز میں یہ سنگ میل حاصل کیا تھا۔
آئی ایم ایف سے کیے گئے وعدے پورے کریں گے:وزیرخزانہ اسحاق ڈار
بابراعظم نے بنگلہ دیش کے خلاف کرائسٹ چرچ میں جاری سہ فریقی سیریز کے چھٹے میچ میں بنگلہ دیش کے خلاف 40 گیندوں پر 55 رنز بناکر اعزاز اپنے نام کیا۔
قومی ٹیم کے کپتان بین الاقوامی کرکٹ میں 11 ہزار رنز مکمل کرنے والے 11ویں پاکستانی بلے باز ہیں، انہوں نے 42 ٹیسٹ کی 75 اننگز میں 3 ہزار 122، 92 ون ڈے کی 90 اننگز میں 4 ہزار 664 جبکہ 91 ٹی20 میچز کی 86 اننگز میں 3 ہزار 216 رنز بنارکھے ہیں۔
میری قوم کے بچوں کو اسکولوں میں سیرت النبیﷺ پڑھانے کی ضرورت ہے،عمران خان
دوسری طرف سہ ملکی ٹی 20 ٹورنامنٹ میں پاکستان نے بنگلا دیش کو 7 وکٹوں سے ہرادیا۔نیوزی لینڈ کے شہر کرائسٹ چرچ میں کھیلے گئے میچ میں بنگلا دیش نے ٹاس جیت کر پہلے بیٹنگ کا فیصلہ کیا اور مقررہ اوورز میں 6 وکٹوں کے نقصان پر 173 رنز بنائے۔
بنگلا دیش کی جانب سے لٹن داس نے سب سے زیادہ 69 رنز بنائے جب کہ شکیب الحسن 68 رنز کی باری کھیلی۔پاکستان کی جانب سے نسیم شاہ اور محمد وسیم جونیئر نے 2،2 اور محمد نواز نے ایک کھلاڑی آؤٹ کیا۔
174 رنز کے ہدف کے تعاقب میں محمد رضوان اور بابر اعظم نے بیٹنگ کا آغاز کیا۔ دونوں نے 101 رنز کی شراکت قائم کی۔اسی دوران بابر اعظم نے اپنی ایک اور نصف سنچری بنائی۔101 رنز پر پاکستان کو ایک ساتھ دو جھٹکے بابر اعظم اور حیدر علی کی صورت میں لگے، دونوں کو حسن محمود نے ایک ہی اوور میں پویلین بھیجا۔
پاکستان میں مہنگائی، بیروزگاری میں خطرناک حد تک اضافہ:معاملات مزید خراب ہوسکتے…
بابر اعظم 55 جب کہ حیدر علی کھاتہ کھولے بغیر آؤٹ ہوئے۔محمد نواز ایک مرتبہ پھر چوتھے نمبر پر میدان میں اترے اور دھواں دھار بیٹنگ کی۔165 رنز پر بنگلا دیش کو تیسرای کامیابی محمد رضوان کی صورت میں ملی تب تک بہت دیر ہوچکی تھی۔
محمد نواز اور آصف علی نے ایک گیند پہلے ہی پاکستان کو فتح سے ہمکنار کرایا۔نواز نے 20 گیندوں پر 45 رنز کی اننگز کھیلی اور ناٹ آؤٹ رہے۔محمد رضوان کو 69 رنز کی اننگز کھیلنے پر پلئیر آف دی میچ قرار دیا گیا۔
یاد رہے کہ 14 اکتوبر کو پاکستان اور نیوزی لینڈ کے درمیان ٹورنامنٹ کا فائنل کھیلا جائے گا۔
Leave a reply
