بہاولپور میں سی ٹی ڈی اور دہشت گردوں میں مقابلہ

سی ٹی ڈی پنجاب کی بہاولپور میں کارروائی۔ کارروائی میں چار دہشت گرد ہلاک ہو گئے جبکہ تین فرار ہونے میں کامیاب ہو گئے۔ سی ٹی ڈی پنجاب کے مطابق ہلاک ہونے والوں میں امان اللہ، عبدالجبار، رحمان علی اور علیم شامل ہیں۔ ہلاک دہشت گردوں کا تعلق کالعدم داعش سے ہے۔ دہشت گردوں کے تین ساتھی اندھیرے کا فائدہ اٹھاتے ہوئے فرار ہونے میں کامیاب ہو گئے۔ دہشت گردوں کے قبضے سے دستی بم، ایس ایم جی رائفلز اور دیگر اسلحہ برآمد ہوا ہے۔ دہشت گردوں کا ہدف بہاولپور میں اقلیتی عبادت گاہ کو نشانہ تھا۔