امریکی ریاست کیلیفورنیا سے جڑے جزیرے سانٹا کروز کے کھلے سمندر میں ایک مسافر بردار بحری جہاز میں آگ لگ گئی جس کے نتیجے میں کم از کم 34 افراد ہلاک ہو گئے ۔
امریکی میڈیا کے مطابق جہاز میں کل 39افراد سوار تھے جن میں سے 5کو زندہ بچا لیا گیا ہے۔ زندہ بچ جانے والوں میں جہاز کا کیپٹن بھی شامل ہے۔ امدادی کام ابھی بھی جاری ہے۔
کوسٹ گارڈ کے ترجمان مارک بارنی کے مطابق بچائے گئے تمام افراد عملے کے ممبر تھے۔ بارنی نے بتایا کہ وہ آگ سے بچنے میں کامیاب ہوگئے تھے کیونکہ وہ چوٹی کے قریب تھے۔
