کوئٹہ :بلوچستان ہائی کورٹ نے حکومت کو حکومتی ترجمانوں کی تعیناتی سے متعلق سماعت 15 مئی تک ملتوی

کوئٹہ،باغی ٹی وی (نامہ نگار زبیرخان آکاخیل)بلوچستان ہائی کورٹ نے حکومت کو حکومتی
ترجمانوں اور کوآرڈینیٹرز کی تعیناتی سے متعلق جواب جمع کرانے کیلئے مزید مہلت دیتے ہوئے سماعت 15 مئی تک ملتوی کردی۔ جمعہ کو بلوچستان ہائی کورٹ میں حکومتی ترجمانوں اور کوآرڈینیٹرز کی تعیناتی سے متعلق کیس کی سماعت ہوئی حکومت کی جانب سے دوسری سماعت پر بھی ترجمانوں و کوآرڈینیٹرز کی تعیناتی کی وجوہات پر جواب جمع نہ کرایا گیا۔ سماعت کے دوران مخالف وکلاء نے دلائل دیتے ہوئے کہا کہ کوآرڈینیٹرز کی تعیناتی رول آف بزنس میں کہیں نہیں۔ جس پر بلوچستان ہائی کورٹ نے حکومت کو جواب جمع کرانے کیلئے مزید مہلت دیتے ہوئے سماعت 15 مئی تک ملتوی کردی۔