بلوچستان میں امدادی کاروائیوں کیلئےمولانا عبد الواسع وزیراعظم کے نمائندہ خصوصی نامزد

وزیراعظم شہباز شریف نے بلوچستان میں امدادی کارروائیوں کے لئے وفاقی وزیر ہاؤسنگ مولانا عبد الواسع کو اپنا نمائندہ خصوصی مقرر کر دیا-

باغی ٹی وی : اس ضمن میں جاری نوٹیفیکیشن کے مطابق وزیراعظم نے بلوچستان کے اضلاع شیرانی، موسی خیل اور صوبہ خیبرپختونخوا کے ضلع ڈی آئی خان کے جنگلات میں آگ بجھانے کی کارروائیوں میں اشتراک عمل بہتر بنانے کے لئے یہ اقدام اٹھایا ہے-

آصف زرداری کی مولانا فضل الرحمن سےملاقات’موجودہ سیاسی صورتحال پرغور

نوٹیفیکیشن کے مطابق مولانا عبد الواسع امدادی کوششوں میں وفاقی اور صوبائی اداروں کے درمیان مشترکہ کوششوں کو مربوط بنائیں گے وزیراعظم نے تمام وفاقی اور صوبائی محکموں کو اپنے نمائندہ خصوصی کے ساتھ مکمل تعاون یقینی بنانے کی ہدایت کی ہے-

قبل ازیں وزیراعظم میاں محم دشہباز شریف نے بلوچستان کے ضلع شیرانی میں صنوبر کے درختوں کو آگ لگنے کا نوٹس لیتے ہوئے تین افراد کے جاں بحق ہونے پر رنج وغم اور افسوس کا اظہار کیا تھا-

جمعہ کو وزیراعظم میاں محمدشہباز شریف نے ضلع شیرانی میں صنوبر کے درختوں کو آگ لگنے کا نوٹس لیتے ہوئے وفاقی اداروں کو ہدایت کی تھی کہ صوبائی حکومت کے ساتھ مل کر سات کلومیٹر کے دائرے میں لگی آگ کو بجھانے کے لئے ہنگامی اقدامات کئے جائیں-

انہوں نے واقعہ کی تحقیقات کرنے کا بھی حکم ،ذمہ داروں کا تعین کرنے اورزخمیوں کو بہترین طبی سہولیات فراہم کرنے بڑے برن سینٹرز منتقل کرنے کی ہدایت کی وزیراعظم میاں محمدشہباز شریف نے چار زخمیوں کی جلد صحت یابی کی دعا کی تھی۔

تعلیمی اداروں میں چھٹیوں کا اعلان ہوگیا