پی ٹی وی کی 59ویں سالگرہ، بطور انٹر نی پی ٹی وی کا آڈٹ کرنے اس بلڈنگ میں آتا رہا ہوں،محسن نقوی

اسلام آباد:وزیراعلیٰ پنجاب محسن نقوی نے پاکستان ٹیلی ویژن کی 59ویں سالگرہ کی تقریب میں شرکت کی اور وفاقی وزیر مرتضیٰ سولنگی اور صوبائی وزیر عامر میر کے ہمراہ کیک کاٹا۔

باغی ٹی وی: وزیراعلیٰ محسن نقوی نے سالگرہ کی تقریب میں بطورمہمان خصوصی خطاب کرتے ہوئے کہا کہ پورے پنجاب اور حکومت پنجاب کی طرف سے پی ٹی وی والوں کو 59ویں سالگرہ پر مبارکباد دیتا ہوں، میری نیک خواہشات پی ٹی وی اور اس کے ملازمین کے ساتھ ہیں۔
https://x.com/PTVNewsOfficial/status/1728753357471559894?s=20
انہوں نے کہا کہ سرکاری تقریب تب تک شروع نہیں ہوتی جب تک پی ٹی وی کا کیمرہ آن نہ ہوجائے، بطور براڈ کاسٹر سمجھتا ہوں کہ ٹیکنالوجی تیزی سے ترقی پذیر ہے، پی ٹی وی بہترین ادارہ ہے، جدید دور کے تقاضوں کے مطابق ڈیجیٹل میڈیا پر مزید کام کرنا ہوگا۔

بابا گرو نانک دیو جی کے 554 ویں جنم دن کی تقریبات اکھنڈ پا ٹ …

محسن نقوی نے کہا کہ دنیا کے ساتھ آگے بڑھنے کیلئے پی ٹی وی کو ڈیجیٹل میڈیا پر کام کرنا ہوگا، پی ٹی وی کو 70 فیصد ڈیجیٹل میڈیا اور 30 فیصد الیکٹرانک میڈیا پر فوکس کرنا چاہیے ،جو ادارے پرنٹ میڈیا تک رہے اور الیکٹرانک میڈیا میں نہیں آئے وہ پیچھے رہ گئے۔

نگراں وزیراعلیٰ پنجاب کا کہنا تھا کہ بطور انٹر نی پی ٹی وی کا آڈٹ کرنے اس بلڈنگ میں آتا رہا ہوں، مرتضیٰ سولنگی کا تبصرہ جامع اور دیا نت دارانہ ہوتا ہے، ہم انہیں منتری مانتے ہیں، مرتضی سولنگی نے ریڈیو پاکستان میں اصلاعات کیں اور اب انفارمیشن ڈیپارٹمنٹ سنبھال رہے ہیں-

بارشوں کا طاقتور سسٹم ملک میں اثرانداز ہونا شروع

وفاقی وزیر اطلاعات مرتضی سولنگی نے کہا کہ لوگ محسن نقوی کو اب ”محسن“ ماننے لگے ہیں، انہیں پنجاب کا شیر شاہ سوری کہا جانا چاہیے،بطور صحافی اور براڈ کاسٹر محسن نقوی کو ترقی کا سفر طے کرتے دیکھا ہے۔

مرتضیٰ سولنگی نے کہا کہ پی ٹی وی پاکستان کا قومی براڈ کاسٹر ہے جس نے 59 سال میں شاندار سفر طے کیا۔ انہوں نے کہا کہ 59 سال قبل لاہور میں میرے استاد اسلم اظہر نے ایک پرانی عمارت کے لان میں ٹینٹ لگا کر پی ٹی وی کی نشریات کا آغاز کیا۔

پاکستان کو آئندہ ماہ کے آخر میں دو ارب ڈالر ملنے کا امکان

اس موقع پر نگران وفاقی وزیر اطلاعات مرتضیٰ سولنگی اور وزیراعلیٰ پنجاب محسن نقوی نے پی ٹی وی ملازمین کے ساتھ مل کر پی ٹی وی کی 59 ویں سالگرہ کا کیک کاٹا اور انہیں مبارکباد دی، بعد ازاں نگران وفاقی وزیر اطلاعات مرتضیٰ سولنگی اور وزیراعلیٰ پنجاب محسن نقوی نے پی ٹی وی لاہور سنٹر کے مختلف شعبوں کا دورہ کیا۔