بیفیم نتائج، بھارت،یو اے ای، پاکستان کی ٹیم ورلڈ برج چیمپئن شپ کیلئے منتخب

برج فیڈریشن آف ایشیا اینڈ مڈل ایسٹ چیمپین شپ پی سی ہوٹل لاہور میں جاری ہے، پاکستان ،بھارت، یو اے ای کی ٹیمیں مختلف کیٹگریز میں ورلڈ برج چیمپین کے لیے منتخب ہو گئی ہیں جو رواں برس ماہ اگست میں مراکش میں کھیلی جائے گی،

برج فیڈریشن آف ایشیا اینڈ مڈل ایسٹ چیمپین شپ کا آغاز پانچ مئی کو لاہور میں ہوا تھا، چیمپئن شپ میں پاکستان، بھارت، بنگلہ دیش،فلسطین، اردن، یو اے ای کی ٹیموں نے شرکت کی تھی، ابتدائی میچز کے بعد پاکستان، بھارت، یو اے ای، اور فلسطین کی ٹیموں کے مابین سیمی فائنل کھیلے گئے

آج جمعہ کو اوپن کیٹگری میں دو سیمی فائنل کھیلے گئے اوپن کیٹگری میں پاکستان اور یو اے ای نے میچ کھیلا ، دوسرا میچ انڈیا اور بنگلہ دیش نے کھیلا، یو اے ای اور پاکستان کے مابین میچ میں یو اے ای 12،5 آئی ایم پیز سے میچ جیت گیا،انڈیا بنگلہ دیش سے 88،5 آئی ایم پیز کے ساتھ سیمی فائنل جیت گیا

خواتین کی کیٹگری میں بھی دو میچ کھیلے گئے انڈیا اور فلسطین کے مابین میچ میں 117،5 آئی ایم پیز سے انڈیا جیت گیا، دوسرا پاکستان اور یو اے ای کے مابین میں ہوا جس میں یو اے ای 34،5 آئی ایم پیز سے جیت گیا ،سینئرز کی کیٹگری میں انڈیا اور پاکستان کے مابین سیمی فائنل میچ میں انڈیا42،5 آئی ایم پیز سے جیت گیا ، مکسڈ کیٹگری میں انڈیا اور یو اے ای کا سیمی فائنل تھا ، انڈیا 42،5 آئی ایم پیز سے میچ جیت گیا

اوپن ٹیم مین انڈیا اور یو اے ای، وومین میں انڈیا اور یو اے ای، سینیرز میں انڈیا اور پاکستان ،مکسڈ میں یو اے ای اور انڈیا ورلڈ برج چیمپئن شپ میں کھیلنے کے لئے منتخب ہو گئے ہیں

اس موقع پر پاکستان برج فیڈریشن کے صدر اور برج فیڈریشن آف ایشیا اینڈ مڈل ایسٹ کے نائب صدر مبشرلقمان بھی موجود تھے ، برج فیڈریشن آف ایشیا اینڈ مڈل ایسٹ کے صدر بحجت علی ماجالی، پاکستاب برج فیڈریشن اور برج فیڈریشن آف ایشیا اینڈ مڈل ایسٹ کے سیکرٹری جنرل احسان قادر بھی ان کے ہمراہ تھے. تمام ٹیموں نے پرجوش ہوکر کھیلا ہے.برج فیڈریشن آف ایشیا اینڈ مڈل ایسٹ چیمپئن شپ کا فائنل ہفتہ کو پی سی لاہور میں کھیلا جائےگا، پاکستان برج فیڈریشن کے صدر مبشر لقمان کا کہنا تھا کہ برج کی بین الاقوامی ٹیموں کا پاکستان آنا ہمارے لئے اعزاز ہے، پاکستان برج فیڈریشن کی کوشش ہو گی کہ اس طرز کے مقابلے جاری رہیں

پاکستان میں توقع سے بڑھ کر پیار ملا، بھارتی برج ٹیم کے کپتان کی پریس کانفرنس

برج فیڈریشن آف ایشیا اینڈ مڈل ایسٹ چیمپئن شپ، کھلاڑیوں کا شاہی قلعہ کا دورہ

برج گیم میں جوا اور پیسے نہیں لگتے:برج پلیئرغیاث ملک ، جہانگیر اور سعید اختر

برج فیڈریشن آف ایشیا اینڈ مڈل ایسٹ چیمپئن شپ، بھارتی ٹیم لاہور پہنچ گئی

پاکستان برج فیڈریشن نے بین الاقوامی کھلاڑیوں کو پی سی میں عشائیہ دیا، اس موقع پر یو اے ای کی برج ٹیم کے کپتان نے دو سال بعد یو اے ای میں دو سال بعد چیمپئن شپ کے انعقاد کا اعلان کیا، اور کہا کہ پاکستان میں ہمیں جو بیفیم میں سہولیات دی گئیں شاندار اور بے مثال تھیں یو اے ای میں ہم نے چیمپئن شپ کروائی تھی اور ہم سمجھتے تھے کہ ہم نے شاندار انتظامات کیے لیکن پاکستان کے انتظامات دیکھ کر ہمیں لگا کہ ہم پیچھے رہے اس پر پاکستان برج فیڈریشن کے صدر مبشر لقمان اور باقی کونسل کے مشکور ہیں

پاکستان برج فیڈریشن کے صدر اور برج فیڈریشن آف ایشیا اینڈ مڈل ایسٹ کے نائب صدر مبشر لقمان کا کہنا تھا کہ دسمبر میں کراچی میں برج کا انٹرنیشنل ٹورنامنٹ کروا رہے ہیں تمام ٹیمز کو دعوت دیتے ہیں کہ وہ آ کر کھیلیں، ورلڈ چیمپئن شپ میں منتخب ہونیوالی ٹیموں کو مبارکباد دیتا ہوں سب ٹیموں نے اچھا کھیلا، بھارت اور ہو اے کی ٹیم نے بھی اچھا کھیلا اور چیمپئن شپ کیلئے منتخب ہوئیں پاکستان کی ٹیم بھی ورلڈ برج چیمپئن شپ میں جا رہی ہے،کھیلیں گے مسلسل کھیلیں گے تو جیت کی جانب بڑھیں گے، جو ٹمیں ورلڈ برج چیمپین شپ تک نہیں پہنچ سکیں انہیں بھی کھیلتے رہنا چاہئے،