بیلاروس کے دارالحکومت منسک میں متعدد افراد کو سوشل میڈیا پر کمنٹس میں ریاستی اہلکاروں کی توہین کے الزام میں گرفتار کیا گیا ہے۔
باغی ٹی وی : ۔غیرملکی میڈیا کے مطابق انسانی حقوق کے گروپ ویسنا کے مطابق 85 سے زائد افراد اس وقت پولیس کی حراست میں ہیں ان پر ریاستی اہلکاروں کی توہین کا الزام ہے۔
جام کمال نہ رہے توپھرشاید کوئی بھی نہ رہے،بلوچستان میں سیاسی عدم استحکام: سنجرانی ایک مرتبہ پھر…
گرفتاریوں سے قبل دارالحکومت منسک میں سکیورٹی فورسز نے ایک گھر پر چھاپہ مارا تھا اس کارروائی کے دوران ایک 31 سالہ شخص نے، جس کا تعلق اپوزیشن سے تھا خفیہ ایجنسی کے اہلکار کو گولی مار کر ہلاک کر دیا جبکہ یہ شخص خود بھی اس کارروائی میں مارا گیا آئی ٹی کے اس ماہر کے خلاف دہشت گردانہ سرگرمیوں میں ملوث ہونے کی تحقیقات کی جارہی ہے۔
کالعدم ٹی ایل پی کے سربراہ سعد رضوی کی حراست میں توسیع
مبینہ طور پر گرفتار ہونے والے افراد کو سرکاری افسران کی توہین کرنے اور “سماجی دشمنی” پر اکسانے کے الزامات کا سامنا ہے ان الزامات پر بارہ سال قید کی سزا ہو سکتی ہے۔
یاد رہے کہ گزشتہ برس ہونے والے انتخابات میں بیلاروس کے صدر الیگزینڈر لوکاشینکو کو فاتح قرار دیا گیا تھا سینکڑوں سیاسی کارکنوں نے انتخابات کو جعلی قرار دیتے ہوئے بڑے پیمانے پر احتجاج کیا تھا-
بیلاروس میں احتجاج کرنے والوں میں کئی ایک کو بری طرح زد و کوب کیا گیا تھا اور بہت سے افراد کو زبردستی ملک بدر ہونے پر مجبور کیا گیا تھا۔
